Parahulit 8:3 - Marahay na Bareta Biblia

³ An hade makakagibo kan anoman na boot niya, kaya humale ka sa saiyang atubang; dai ka mag-ontok sa siring kapeligrosong lugar.

Parahulit 8:3 ပူးပေါင်းရင်းမြစ်များ

Genesis 47:9

Nagsimbag si Jacob, “An mga taon nin sakong pakikihimanwa uminabot na sa syento treynta. Kadikit asin masakit an mga taon na iyan, bakong arog kan halawig na panahon nin pakikihimanwa kan sakong mga ginikanan.”

Mga Talinhaga 14:29

An tawong dai tolos naaanggot igwa nin dakulang pakasabot, alagad an madaling maanggot nagpapahiling kan saiyang kalolongan.

Mga Talinhaga 24:21

Aki ko, matakot ka sa Kagurangnan saka omawon mo an hade. Dai ka mag-ayon sa mga tawong nagtutumang sainda;

Mga Talinhaga 30:31

an kanding, an mabaskog na solog na manok, asin an mga hade sa atubang kan saindang nasasakopan.

Parahulit 10:4

Kun maanggotan ka kan pamayo, dai ka maghale sa saimong katongdan; huli ta an dakulang mga kasalan pwedeng patawadon kun dai ka sana maggirong.

Isaias 48:4

Huli ta aram ko na magigin matagas an saindong mga payo, arog katagas sa lansang asin arog sa bronse na dai nahihiro.

Daniel 4:35

An mga tawo sa daga hinihiling niya na mayo nin halaga; an mga anghel sa langit saka an mga tawo sa daga nasa irarom kan saiyang kabotan. Mayo nin makakasalungat kan saiyang kabotan o makakahapot saiya nin, ‘Ano an ginigibo mo?’

Daniel 5:19

Huli kan kadakulaan na itinao nin Dios saiya, an gabos na banwaan, nasyon, rasa saka lengwahe natatakot saiya asin tinatakigan. Kun boot niyang gadanon an siisay man, ginagadan niya; kun boot niyang buhayon an siisay man, binubuhay niya. Ilinalangkaw niya o ibinababa an siisay man na booton niya.