Parahulit 8:16 - Marahay na Bareta Biblia

¹⁶ Kan hiningowa kong magin madonong asin masabotan an nangyayari sa kinaban, nasabotan kong maski aldaw-bangging dai magtorog an tawo,

Parahulit 8:16 ပူးပေါင်းရင်းမြစ်များ

Genesis 31:40

Tinios ko an init kan aldaw asin an lipot kan banggi; dai na ako nagkakatorog.

Salmo 127:2

Masasayang an pagbangon nin amay asin an pagkatorog na matanga nang marahay sa paghanap nin ikabubuhay; huli ta tinatawan nin Kagurangnan an saiyang mga namomotan, maski sinda nagkakatorog.

Parahulit 1:13

Hiningowa kong siyasaton asin adalan an gabos na bagay na ginigibo sa kinaban na ini. Mamondong palad an itinao nin Dios sa sato.

Parahulit 1:14

Nahiling ko na an gabos na ginibo sa kinaban na ini, asin sinasabihan ko kamo; an gabos mayo nin halaga; garo saro sana iyan na paglamag sa doros.

Parahulit 1:17

Hiningowa kong saboton an kalaenan kan pakaaram asin kalolongan, kan kadonongan saka karungawan. Alagad nahiling ko na arog man giraray ini sa paglamag sa doros.

Parahulit 2:23

Huli ta an gabos niyang aldaw pano nin kasakitan, asin kulog nin boot; maski sa banggi daing pahingalo an saiyang isip. Ini mayo man nin halaga.

Parahulit 4:8

An sarong tawo na nabubuhay na solo-solo, mayo nin aki o tugang, alagad mayong kataposan an pagtrabaho niya, asin an saiyang mata nakukulangan pa kan saiyang kayamanan. Para kiisay an saiyang pagpagal saka pagsayuma niya nin kaogmahan sa sadiri? Ini man mayo nin halaga asin sarong mamondong kamugtakan.

Parahulit 5:12

An sarong trabahador marahay an torog, dikit man o dakul an saiyang kakanon; alagad an dakul na pagsadiri kan mayaman iyo an minapurisaw sa saiyang pagkatorog.

Parahulit 7:25

Idinusay ko an sakong buhay sa pagsabot saka sa pagsiyasat, sa paghanap nin kadonongan saka nin kasimbagan sa sakong mga hapot, asin sa pagsabot kun gurano karaot asin kalolong an kamangmangan.

Parahulit 8:7

Mayo satong nakakaaram kun ano an mangyayari, asin mayong mataram sato.

Parahulit 8:9

Nahiling ko ini gabos kan horophoropon ko an nangyari sa kinaban, saen an ibang tawo igwa nin kapangyarihan, mantang an iba minatios sa pananakop kan mga tawong iyan.