Parahulit 8:12 - Marahay na Bareta Biblia

¹² An sarong parakasala pwedeng gumibo nin ginatos na karatan, asin padagos pang mabuhay. Aram ko kun ano an saindang sinasabi: “Kun kuyogon nindo an Dios, an gabos magigin marahay,

Parahulit 8:12 ပူးပေါင်းရင်းမြစ်များ

1 Mga Hade 21:25

Mayo na nin arog ki Ahab na nagdusay kan saiyang sadiri sa paggibo nin karatan, huli sa mga sotsot kan saiyang agom na si Jezebel.

1 Mga Cronica 16:30

Magtakig sa saiyang atubang an bilog na kinaban! An kinaban masarig na pinamugtak asin dai nanggad mahihiro.

An Libro ni Job 35:15

Naghohona ka na dai nagpapadusa an Dios, na dai niya pinapahalagahan an kasalan.

Salmo 112:1

Omawon an Kagurangnan! Paladan an tawong may pagkatakot sa Kagurangnan, na naoogma sa pagkuyog kan saiyang mga kabotan.

Salmo 115:13

Bebendisyonan niya an may pagkatakot saiya, sadit man o dakula.

Salmo 128:2

Kakakanon mo an bunga kan saimong kapagalan; magigin maogma ka asin magkakaigwa nin kauswagan.

Salmo 37:11

alagad an daga masasadirihan kan mahuyo; mamumuhay siya sa kauswagan asin katoninongan.

Salmo 96:9

Sambahon nindo an Kagurangnan sa saiyang pagdatong; magtakig sa saiyang atubang an bilog na kinaban!

Exodo 1:20

Huli kaini, benendisyonan nin Dios an mga partera asin tinawan niya sinda nin dakul na mga aki. Padagos man na nagdakul asin nagkosog an mga Israelita.

Mga Talinhaga 13:21

An parakasala linalamag kan kasakitan, alagad an matanos binabalosan nin kauswagan.

Mga Talinhaga 28:14

Paladan an tawong danay na may pagkatakot sa Kagurangnan, alagad mapapahamak an matagas an payo.

Parahulit 12:13

Pakatapos kaini, saro na sana an dapat itaram: Matakot ka sa Dios, asin otobon mo an saiyang mga togon, huli ta iyo iyan an katongdan nin tawo.

Parahulit 3:14

Aram kong nagdadanay sagkod pa man an gabos na ginibo nin Dios; dai iyan madudugangan o maiinaan. Ginibo niya iyan tanganing sa atubang niya magkatarakot an mga tawo.

Parahulit 5:16

Ini saro man na karatan! An tawo minahale siring kan saiyang pag-abot. Anong pakinabang an saiyang pagtrabaho, na arog man sana sa paglamag kan doros?

Parahulit 5:7

Maski gurano kadakul kan saimong pangatorogan asin kan saimong mga tataramon, kaipuhan galangan mo an Dios.

Parahulit 7:15

Sa sakong mayong halagang buhay nahiling ko an gabos na bagay. An sarong matanos na tawo pwedeng magadan mantang an saro padagos na nabubuhay, maski siya sarong maraot na tawo.

Parahulit 7:18

Likayan mo an duwang kasobrahan na ini. Kun may pagkatakot ka sa Dios, magigin mauswag ka.

Jeremias 44:10

Alagad sagkod ngunyan dai kamo nagpapakumbaba. Dai kamo nag-omaw sako ni namuhay sosog sa gabos na katogonan na itinao ko saindo asin sagkod sa saindong mga ginikanan.

Mateo 25:34

Dangan masabi an Hade sa mga tawo na nasa too niya, ‘Madya kamo, mga paladan kan sakong Ama! Lumaog kamo sa Kahadean na inandam para saindo poon na lalangon an kinaban.

Lukas 1:50

An saiyang pagkaherak yaon sa may pagkatakot saiya, sa gabos na henerasyon.

Roma 2:5

Alagad huli sa katagasan kan saimong puso asin dai pagsolsol, pinapagabat mo an padusa saimo sa Aldaw na ipahayag an kaanggotan asin an matanos na paghukom nin Dios.

Roma 9:22

Siring man kaiyan an ginibo nin Dios. Boot niyang ipahiling an saiyang kaanggotan saka ipahayag an saiyang kapangyarihan. Alagad tinios niya an mga tawong nagpaanggot saiya na maninigong tunawon.

Deuteronomio 12:25

Kun kuyogon nindo an pagboot na ini, maoogma an Kagurangnan asin mapapakarahay kamo sagkod an saindong kapagarakian.

Deuteronomio 12:28

Kuyogon nindo an gabos na ipinagboboot ko saindo, tanganing mapakarahay kamo asin an saindong kapagarakian sagkod pa man, huli sa paggibo nindo nin marahay asin nin matanos sa atubang nin Kagurangnan na saindong Dios.

Deuteronomio 4:40

Kuyogon nindo an saiyang mga togon asin pagboot na itinatao ko saindo ngunyan na aldaw, tanganing mapakarahay kamo sagkod an saindong mga aki, asin maghalawig an saindong buhay sa daga na sagkod lamang itinatao saindo nin Kagurangnan na saindong Dios.”

2 Pedro 2:9

Kaya an Kagurangnan tataong magligtas kan mga tawong diosnon sa mga pagbalo sainda, dangan tataong magpadusa sa mga maraot na tawo sagkod sa Aldaw nin Paghukom.