Parahulit 8:1 - Marahay na Bareta Biblia

¹ An madonong sana an nakakasabot kan tunay na kahulogan kan mga bagay. An kadonongan iyo an nakakapaliwanag kan saiyang lalawogon asin nakakapara kan mga korondot sa saiyang angog.

Parahulit 8:1 ပူးပေါင်းရင်းမြစ်များ

Genesis 40:8

Nagsimbag sinda, “Pareho kaming nangatorogan asin mayo digdi nin siisay man na makakapaliwanag kun ano an kahulogan.” Nagsimbag si Jose, “An Dios an nagtatao kan kakayahan sa pagpaliwanag nin mga pangatorogan. Istoryahan daw nindo sako.”

An Libro ni Job 33:23

“Tibaad may magdatong na anghel sa pagsurog saiya— saro sa rinibong anghel nin Dios, na nagpapagiromdom sa tawo kan saindang katongdan.

Exodo 34:35

asin nahihiling kan mga tawo na nagliliwanag an saiyang lalawogon. Kaya tinatahoban giraray ni Moises nin belo an saiyang lalawogon sagkod sa masunod niyang pakipag-olay sa Kagurangnan.

Mga Talinhaga 1:6

tanganing masabotan ninda an mga natatagong kahulogan kan mga talinhaga asin mga problemang ipinapahayag kan madodonong.

Mga Talinhaga 12:8

Inoomaw an sarong tawo huli sa saiyang kadonongan, alagad isinisikwal an tawong may bikong kaisipan.

Mga Talinhaga 17:24

An kadonongan iyo an kamawotan kan tawong may pakasabot, alagad dakul an kamawotan kan sarong lolong.

Mga Talinhaga 21:29

Midbid kan matanos an saiyang sadiri, alagad an tampalasan kaipuhan pang magsagin-sagin.

Mga Talinhaga 24:5

Mas marahay an madonong ki sa makosog; totoong mas mahalaga an pakaaram ki sa kosog.

Daniel 2:22

Siya an nagpapahayag kan mga bagay na hararom asin hilom; siya an nakakaaram kun ano an nasa kadikloman, asin napapalibotan siya nin liwanag.

Daniel 2:47

Nagsabi an hade, “Totoo mananggad na an saimong Dios iyo an pinakadakula sa gabos na dios, an Kagurangnan kan mga hade, asin an nagpapahayag kan mga misteryo. Aram ko ini huli ta ikinapaliwanag mo an misteryong ini.”

Mateo 17:2

Kan idtoon na sinda, nahiling nindang naliwat si Jesus; nagliwanag siring sa aldaw an lalawogon niya, asin nagkintab sa kaputian an saiyang gubing.

Mga Gibo 4:13

Napangalas an mga kaayon kan Konseho kan mahiling an kaisogan ni Pedro saka ni Juan, orog na kan maaraman nindang mga ordinaryong tawo sana sinda asin mayo nin inadalan. Naaraman ninda na an mga ini nagin kairiba ni Jesus.

Mga Gibo 4:29

Ngunyan, Kagurangnan, hilinga an saindang mga pagpatakot. Pakosoga an boot kan saimong mga sorogoon sa paghulit kan saimong mga tataramon.

Mga Gibo 6:15

Hiniling si Esteban kan gabos na kaayon kan Konseho; namasdan ninda na an lalawogon niya garo sa anghel.

Roma 13:5

Kaya dapat nindong sunodon an mga may kapangyarihan, bako sana huli sa kaanggotan nin Dios kundi huli sa saindong konsyensya.

Efeso 6:19

Ipamibi man nindo ako na itao sako nin Dios an mensahe sa sakong pagtaram, tanganing ikabalangibog ko na mayong takot an misteryo kan Marahay na Bareta.

Deuteronomio 28:50

Magigin maringis sinda asin dai maheherak sa kiisay man saindo, aki man o gurang.

2 Timoteo 4:17

Alagad dinamayan ako kan Kagurangnan saka tinawan nin kosog sa pagbalangibog kan Marahay na Bareta sa mga pagano, kaya nakaligtas ako sa kagadanan.

2 Pedro 1:20

Alagad enot sa gabos dapat na maaraman nindo na an pagpaliwanag kan propesiya sa mga Kasuratan bakong sosog sana sa sadiring interpretasyon nin lambang saro.