Parahulit 7:9 - Marahay na Bareta Biblia

⁹ Hare pag-anggot tolos-tolos, huli ta sa lolong an pagrimpos nin maraot na boot.

Parahulit 7:9 ပူးပေါင်းရင်းမြစ်များ

Genesis 4:8

Dangan sinabihan ni Cain si Abel, “Magduman kita sa kaomahan.” Kan yaon na sinda duman, ginadan ni Cain an saiyang tugang na si Abel.

2 Samuel 13:22

Naongis nin marahay si Absalom ki Amnon huli kan paglupigi niya ki Tamar, kaya dai na niya kinakaolay si Amnon.

2 Samuel 13:28

dangan pinagbotan an saiyang mga sorogoon: “Tandaan nindo kun burat na si Amnon; dangan kun sabihan ko kamong, ‘Gadana nindo si Amnon,’ gadanon nindo siya. Dai kamo matakot; ako an bahala. Magmaisog kamo asin dai magduwa-duwa!”

2 Samuel 13:32

Alagad si Jonadab, na aking lalaki kan tugang ni David na si Samma nagsabi, “Mahal na hade, dai ka maghona na ginadan ninda an gabos mong aking lalaki. Si Amnon man sana an nagadan. Inisip na ini ni Absalom poon pa kan lupigan ni Amnon an saiyang tugang na si Tamar.

2 Samuel 19:43

Nagsimbag an mga Israelita, “Sampolong beses kadakul ki sa saindo an samong kahirasan ki Hadeng David, maski kadugo nindo siya. Tadaw ta nagpapalangkaw kamo? Bakong kami an naenot na magsabi na pabalikon an hade?” Alagad mas maringis an mga tataramon kan mga taga Juda ki sa mga taga Israel.

Mga Talinhaga 14:17

An tawong mainit an payo nakakaginibo nin kalolongan; an tawong madonong nagdadanay na toninong.

Mga Talinhaga 14:29

An tawong dai tolos naaanggot igwa nin dakulang pakasabot, alagad an madaling maanggot nagpapahiling kan saiyang kalolongan.

Mga Talinhaga 16:32

Mas marahay an magin pasensyoso ki sa magin mapangyari. Mas marahay an pagpugol kan sadiri ki sa pagdaog kan bilog na syudad.

Mga Talinhaga 25:8

Dai ka magmadali sa pagdara sa hukoman kan ano man na nahiling mo. Huli ta kun may magpatotoo na nasasala ka, ano an saimong gigibohon?

Parahulit 7:10

Hare paghapot, “Tadaw ta mas marahay an mga nakaaging aldaw ki sa mga aldaw na ini?” Huli ta bakong sa madonong an hapot na iyan.

Jonas 4:3

Kaya ngunyan, Kagurangnan, tugote akong magadan. Mas marahay pang magadan na ako ki sa mabuhay.”

Jonas 4:8

Pagsirang kan aldaw, ipinadara nin Dios an sarong mainit na doros hale sa sirangan, asin huli sa init kan aldaw na minatama sa payo ni Jonas, haros madismayo siya. Kaya minawot niyang magadan. Nagsabi siya, “Mas marahay pa sako an magadan ki sa mabuhay.”

Jonas 4:9

Alagad sinabihan siya nin Dios, “May deretso ka daw na maanggot huli sa nangyari sa tinanom?” Nagsimbag si Jonas, “May deretso ako na maanggot—maanggot sagkod na magadan!”

Markos 6:19

Nagkaigwa nin hilom na kaanggotan si Herodias ki Juan asin boot niya ining ipagadan, alagad dai niya magibo,

Markos 6:24

Nagluwas an daraga dangan hinapot an saiyang ina, “Ano an hahagadon ko?” “Hagadon mo an payo ni Juan Bautista,” an simbag kan ina.

Santiago 1:19

Namomotan kong mga tugang, giromdoma nindo ini: an lambang saro saindo kaipuhan maliksing maghinanyog, alagad maingat sa pagtaram saka maluya sa pag-anggot.