Parahulit 7:5 - Marahay na Bareta Biblia

⁵ Mas marahay para sa sarong tawo na sagweon siya nin sarong madonong ki sa omawon siya nin mga lolong.

Parahulit 7:5 ပူးပေါင်းရင်းမြစ်များ

Salmo 141:5

Pwede akong padusahan o sagweon nin tawong matanos sa pagkaherak; alagad dai ako maako nin kaomawan sa kamot kan tampalasan, huli ta danay akong namimibi tumang sa saindang karatan.

Salmo 69:12

Linilibak ako kan mga nagtutukaw sa may trangkahan; an mga awit kan mga burat ako an pinapatamaan.

Mga Talinhaga 13:13

An nagsisikwal kan marahay na hatol naghahanap nin karibokan, alagad an nagkukuyog kaiyan nakakalikay sa pag-alaman.

Mga Talinhaga 13:18

An tawo na habong makanood magigin dukha asin mapapasopog, alagad an siisay man na naghihinanyog sa pagsagwe gagalangan.

Mga Talinhaga 17:10

An sarong pagsagwe orog na minatadom sa sarong madonong ki sa sanggatos na hampak sa sarong lolong.

Mga Talinhaga 25:12

An patanid nin madonong sa tataong magdangog orog na mahalaga ki sa bulawan na singsing o alahas na gibo sa pinakapinong bulawan.

Mga Talinhaga 27:6

May karahayan an hampak nin maimbod na katood ki sa hadok nin kaiwal.

Mga Talinhaga 6:23

Huli ta an togon sarong ilaw asin an katukdoan sarong liwanag, saka an mga pagsagwe mga dalan nin buhay.

Mga Talinhaga 9:8

Dai mo pagsawayon an paratuyatuya huli ta maoongis siya saimo. Sagweon mo an tawong madonong, asin mamomoot siya saimo;

Parahulit 12:11

An mga kasabihan nin mga madonong kabaing sa mga mapanas na sugkod na ginagamit kan mga pastor sa pag-alaw kan karnero, asin an mga tiniripon na talinhaga magdadanay arog sa mga pako na nakatadom nin marahay. Ini gabos itinao nin Dios, an iyo-iyong Pastor nyato gabos.

Parahulit 7:4

An tawong danay na nag-iisip dapit sa kaogmahan sarong lolong; an madonong na tawo nag-iisip dapit sa kagadanan.

Parahulit 9:17

Mas marahay an magdangog sa maluway na mga tataramon nin sarong madonong na tawo, ki sa magdangog sa kurahaw nin sarong pamayo sa sarong konseho nin mga lolong.

Kapahayagan 3:19

Sinasagwe ko saka dinidisiplina an gabos kong namomotan. Kaya magmaigot asin magbakle ka.