Parahulit 7:26 - Marahay na Bareta Biblia

²⁶ Nakua ko na orog na mapait ki sa kagadanan an babae, na an saiyang pagkamoot arog sa sarong siod asin sa sarong hikot; dangan an saiyang mga kamot na pangkugos arog sa mga kadena. An lalaki na nakakapawili sa Dios makakadulag saiya; alagad an parakasala madadakop niya.

Parahulit 7:26 ပူးပေါင်းရင်းမြစ်များ

Genesis 19:35

Kaya kan bangging idto, binurat giraray ninda an saindang ama asin an ngohod na man an nagdorog saiya. Siring kan enot na banggi, dai nakaaram si Lot kan nangyari.

Genesis 39:9

pareho an samong kapangyarihan digdi sa harong asin dai siya nin ipinapangalad sako kundi ika sana, huli ta agom ka niya. Tano ta magibo ako kan siring na karigsokan asin magkasala ako sa Dios?”

Exodo 10:7

Sinabihan an hade kan saiyang mga opisyal, “Sagkod nuarin kita riribokon kan tawong ini? Tugote nang humale an mga lalaking Israelita tanganing makapagsamba sinda sa Kagurangnan na saindang Dios. Dai mo pa nahihiling na raot na an Egipto?”

Mga Talinhaga 2:16

Makakalikay ka sa maraot na babae na madagka saimo huli kan saiyang mahamis na mga tataramon,

Mga Talinhaga 22:14

Sarong siod an pakidorog sa bakong tunay na agom—dinadakop kaiyan an mga tawong ikinakaongis nin Kagurangnan.

Mga Talinhaga 6:23

Huli ta an togon sarong ilaw asin an katukdoan sarong liwanag, saka an mga pagsagwe mga dalan nin buhay.

Mga Talinhaga 6:24

Ililikay ka kaini sa maraot na babae, sa mahamis na dila kan agom nin ibang lalaki.

Mga Talinhaga 9:18

Alagad dai aram kan saiyang mga biktima na kagadanan an idtoon sa saiyang harong, na an saiyang mga nagin bisita yaon na ngunyan sa irarom, sa kinaban kan mga gadan.

Parahulit 2:26

An tawo na nakakapawili sa Dios tinatawan niya nin kadonongan, pakasabot asin kaogmahan; alagad an parakasala tinatawan niya kan trabaho nin pagtipon asin pagtambak nin kayamanan, tangani sanang itao iyan sa mga nawiwilihan nin Dios. Ini mayo nin halaga, asin garo sanang paglamag sa doros.

Parahulit 7:27

Ini an dikit-dikit kong naaraman, mantang hinahanap ko an mga kasimbagan, an sabi kan Parahulit.