Parahulit 7:2 - Marahay na Bareta Biblia

² Mas marahay an magduman sa harong na igwa nin pagmondo ki sa harong na igwa nin bangkete, huli ta an nabubuhay dapat na magromdom na naghahalat sato gabos an kagadanan.

Parahulit 7:2 ပူးပေါင်းရင်းမြစ်များ

Salmo 90:12

Ipasabot mo samuya na bilang sana an samong mga aldaw, tanganing magkaigwa kami nin kadonongan.

Parahulit 2:14

An madonong nakakahiling kan saiyang padudumanan, alagad an lolong naglalakaw sa kadikloman. Alagad aram kong saro sana an aabotan ninda gabos.

Parahulit 2:16

Mayo nin nakakagiromdom sa mga madonong, asin siring man sa mga lolong. Sa maabot na mga aldaw, an gabos malilingawan. An gabos magagadan, madonong man o lolong!

Parahulit 3:19

Huli ta pareho an palad kan mga tawo asin kan mga hayop; pareho man sinda magagadan. Pareho man an saindang hinangos; mayo nin kalaenan an tawo sa hayop. Huli ta an buhay mayo nin halaga para sainda.

Parahulit 3:20

Pareho man an saindang padudumanan—gikan sinda sa alpog asin sa alpog sinda mabalik.

Parahulit 6:6

orog pa ki sa tawo na dai man lamang nakakamate kan kaogmahan nin buhay, maski mabuhay pa siya nin duwang ribong taon. Huli ta sindang duwa maduman sa pareho man sanang lugar.

Parahulit 9:2

huli ta parareho an kataposan kan gabos, matanos man o tampalasan, marahay man o maraot, malinig man o maati, nagdodolot man nin atang o dai. An tawong banal mayo man nin kalaenan sa tawong parakasala; an tawong minasumpa arog man sa tawong dai minasumpa.

Parahulit 9:3

Pareho an kataposan kan gabos na tawo, asin ini saro man na karatan arog kan ibang nangyayari sa kinaban na ini. Mantang nabubuhay pa an mga tawo, an saindang isip pano nin karatan saka karungawan, dangan nagagadan sinda tolos.

Parahulit 9:5

Aram kan mga buhay na sinda magagadan, alagad an mga gadan mayo nin naaaraman. Dai na sinda magkakaigwa nin premyo; padagos na sindang malilingawan.

Isaias 47:7

Naghona ka na danay kang magigin reyna, kaya dai mo naisip an mga bagay na ini o nagiromdoman an magigin kataposan kaiyan.

Jeremias 16:8

“Dai ka maglaog sa harong na igwa nin nagbabangkete. Dai ka magtukaw sa kaibahan ninda tanganing magkakan saka mag-inom.

Hageo 1:5

Dai nindo nahihiling kun ano an nangyayari saindo?

Malakias 2:2

Kaipuhan na omawon nindo ako sa paagi kan saindong ginigibo. Kun dai kamo magdangog sa sakong sinasabi, dadarahan ko kamo nin maldisyon. Mamaldisyonon ko man an mga biyaya na inaako nindo. Sa katunayan, minaldisyon ko na an mga iyan, huli ta dai nindo pinahalagahan an sakong pagboot.

Mga Bilang 23:10

An mga kapagarakian nin Israel siring sa alpog. Dai sinda mabibilang huli ta dakul nin marahay. Mapasako logod an kagadanan kan matanos, Asin an sakong kataposan magin logod siring kan saiya!”

Mateo 5:4

“Paladan an mga nagmomondo, huli ta sinda rarangahon!

Deuteronomio 32:29

Kun sinda madonong, masasabotan ninda kun tano ta sinda nadaog.

Deuteronomio 32:46

nagsabi siya sainda, “Kuyogon nindo ining mga pagboot na itinatao ko saindo ngunyan na aldaw. Itukdo nindo ini sa saindong mga aki tanganing maotob ninda an gabos na katukdoan nin Dios.

Filipos 3:19

Kapahamakan an aabotan ninda huli ta an kamawotan kan saindang hawak iyo an nagin nindang dios; ipinag-oorgulyo pa ninda an dapat nindang ikasopog, asin an iniisip sana ninda iyo an mga bagay digdi sa kinaban.

Hebreyo 9:27

Itinalaan na sarong beses sana magadan an lambang tawo, dangan an paghukom.