Parahulit 7:16 - Marahay na Bareta Biblia

¹⁶ Kaya dai ka magpakamatanos o magpakamadonong nin sobra; tano ta gagadanon mo an saimong sadiri?

Parahulit 7:16 ပူးပေါင်းရင်းမြစ်များ

Genesis 3:6

Nahiling kan babae na magayon an kahoy asin garo masiram pagkakanon an bunga kaini patin naisip niya na an kahoy makakatao nin kadonongan. Kaya kuminua siya kan bunga dangan kuminakan. Dangan tinawan man niya an saiyang agom asin kuminakan man ini.

An Libro ni Job 11:12

An mga mangmang mapoon nang magin madonong sa panahon na an lalaw na mga asno mamundag na magaro.

An Libro ni Job 28:28

“Sinabihan nin Dios an mga tawo, ‘Uya, an pagkaigwa nin takot sa Kagurangnan iyo an kadonongan. An pagtalikod sa karatan iyo an pakasabot.’”

Mga Talinhaga 23:4

Dai mo paggadanon an saimong sadiri sa pagpayaman; magin madonong ka tanganing malikayan mo iyan.

Mga Talinhaga 25:16

Dai ka magpangana sa pag-inom nin dugos huli ta kun masobrahan ka, isusuka mo iyan.

Parahulit 12:12

Aki ko, igwa ka pang dapat na masabotan. Mayo nin kataposan an pagsurat nin mga libro, asin an sobrang pag-aadal nagdadara nin kapagalan sa hawak.

Mateo 23:29

“Herak man saindo, mga paratukdo kan Katogonan asin mga Fariseo! Mga parasagin-sagin! Minagibo kamo nin mga pantyon para sa mga propeta asin sinasamnohan nindo an mga monumento kan mga matanos.

Mateo 23:38

Hilinga ta pinapabayaan na an saimong harong asin mayo nang tawo.

Mateo 23:5

Pagpahiling sana sa mga tawo an gabos nindang ginigibo. Hilinga an halakbang na mga telang nasusuratan kan tataramon kan kasuratan na ipinupurupot ninda sa saindang angog saka takyag. Hilinga man an halabang mga tasel kan bado ninda!

Mateo 9:14

Dangan an mga disipulo ni Juan Bautista nagdolok ki Jesus asin naghapot, “Danay kaming nag-aayuno, siring man an mga Fariseo. Tadaw ta an saimong mga disipulo dai nag-aayuno?”

Lukas 18:12

Nag-aayuno ako nin duwang beses sa semana saka nagtatao ako saimo nin himoloan kan gabos kong hinanapan.’

Roma 10:2

Makakapatotoo ako na talagang mga malodok sinda sa Dios, alagad an saindang pagkamalodok dai napapatugmad sa tunay na pakasabot.

Roma 11:25

Mga tugang, sasabihon ko saindo an sarong misteryo tanganing dai kamo mag-isip na anong dodonong nindo: an katagasan kan payo kan banwaan nin Israel dai magdadanay. Sagkod sana iyan sa oras na magdolok sa Dios an tamang bilang kan mga pagano.

Roma 12:3

Huli sa biyaya na itinao sako nin Dios, ini an masasabi ko saindo: Dai kamo mag-isip nin labaw pa saindo kundi magin mabini kamo sa saindong pag-isip. Hukoman nindo an saindong sadiri sosog sa sukol kan pagtubod na itinao nin Dios saindo.

1 Corinto 3:18

Dai nindo pagdayaon an sadiri nindo. Kun may naghohona saindo na siya madonong sosog sa kinaban na ini, dapat siyang magin garo lolong, tanganing magin siyang talagang madonong.

1 Corinto 3:20

Nasusurat man, “Aram nin Kagurangnan na an kaisipan kan mga madonong mayo nin halaga.”

Filipos 3:6

Naglaad an kamawotan ko na mapaglingkodan an Dios, kaya pinasakitan ko an simbahan. Kun dapit sa pagigin matanos nin sarong tawo huli sa pagkuyog kan mga pagboot sa Katogonan, masasabing dai ako nagkasala.

Colosas 2:18

Dai magtugot na kondenaron kamo nin siisay man na nagsasabing mas halangkaw siya, huli ta nagkaigwa siya nin espesyal na bisyon, saka nagsasagin-sagin na mapakumbaba asin nagsasamba sa mga anghel. An siring na tawo, maski mayo nin dahelan, pano nin pagpapahalaga sa sadiri man sana asin pano nin kaisipan na kinabanon.

Colosas 2:23

Kun paghilingon garo may kadonongan an mga pagsusundon na ini huli kan pirit na pagsamba sa mga anghel, kan sagin-sagin na kapakumbabaan saka pagpasakit sa hawak; alagad mayong halaga iyan sa pagpugol kan mga kamawotan kan laman.

1 Timoteo 4:3

Ipinapangalad ninda an pag-agom asin itinutukdo ninda an pag-ayuno sa mga kakanon, na linalang nin Dios tanganing kakanon na may pasalamat kan mga nagtutubod asin nakakaaram kan katotoohan.

Kapahayagan 18:19

Nagbugtak sinda nin alpog sa payo, nagtangis saka nagmondo patin nagsabi, “Makangingirhat! Makatatakot an nangyari sa dakulang syudad na iyan, saen nagyaman an gabos na mga may barkong naglalayag sa dagat huli kan saiyang kayamanan! Sa laog nin saro sanang oras nawara saiya an gabos!”