Parahulit 7:15 - Marahay na Bareta Biblia

¹⁵ Sa sakong mayong halagang buhay nahiling ko an gabos na bagay. An sarong matanos na tawo pwedeng magadan mantang an saro padagos na nabubuhay, maski siya sarong maraot na tawo.

Parahulit 7:15 ပူးပေါင်းရင်းမြစ်များ

Genesis 47:9

Nagsimbag si Jacob, “An mga taon nin sakong pakikihimanwa uminabot na sa syento treynta. Kadikit asin masakit an mga taon na iyan, bakong arog kan halawig na panahon nin pakikihimanwa kan sakong mga ginikanan.”

1 Mga Hade 21:13

Naglaog an duwang mayong halagang tawo, nagtukaw sa atubangan ni Nabot asin nagsumbong nin siring kaini laban saiya: “Minaldisyon ni Nabot an Dios saka an hade.” Kaya dinara ninda siya sa luwas kan syudad asin ginapo sagkod na nagadan.

Salmo 10:3

Huli ta ipinaghahambog kan maraot an mga kamawotan nin saiyang puso; minamaldisyon asin tinatalikdan an Kagurangnan kan tawong paslo.

Salmo 39:6

totoong an tawo arog sana sa sarong anino. Mayo nin halaga an saiyang mga gibo; mga sinaray niyang yaman dai niya aram kun siisay an makinabang.

Parahulit 2:23

Huli ta an gabos niyang aldaw pano nin kasakitan, asin kulog nin boot; maski sa banggi daing pahingalo an saiyang isip. Ini mayo man nin halaga.

Parahulit 3:16

Laen pa kaini, embes na hustisya an mahiling ko sa kinaban, nahiling ko an karatan; embes na katanosan, an karatan.

Parahulit 6:12

Siisay an nakakaaram kun ano an marahay para sa tawo digdi sa halipot saka mayo nin halagang buhay—sarong buhay na minaagi sana siring sa sarong anino? Siisay an makakasabi kun ano an mangyayari sa kinaban pagkatapos na magadan siya?

Parahulit 9:9

Mag-ogma ka sa buhay kaiba an agom na saimong namomotan, sagkod na igwa ka pa kan mayong halagang buhay na itinao saimo nin Dios sa kinaban na ini, huli ta iyan man lamang an kahirasan mo sa buhay para sa gabos mong kapagalan.

Isaias 65:20

An mga pasuso dai na magagadan mantang omboy pa, asin an gabos na tawo maghahalawig an buhay. An mga nakakaabot sa edad na sanggatos, ibibilang na aki pa. An magkagaradan bago kan edad na iyan magigin sarong tanda na pinapadusahan ko sinda.

Juan 16:2

Papahaleon kamo sa mga sinagoga; maabot nanggad an panahon na an siisay man na maggadan saindo maghohona na an gibong iyan sarong paglingkod sa Dios.

Mga Gibo 7:52

Igwa daw lamang maski sarong propeta na dai pinasakitan kan saindong mga ginikanan? Ginadan ninda an mga nagpahayag dapit sa pag-abot kan saiyang Matanos na Sorogoon, na saindong ipinasaluib asin ipinagadan.