Parahulit 7:14 - Marahay na Bareta Biblia

¹⁴ Mag-ogma ka sa mga aldaw nin kauswagan, asin sa mga aldaw nin kasakitan, giromdoma na an Dios nagpapadara nin kaogmahan siring na nagpapadara siya nin kasakitan. Dai mo nanggad maaraman kun ano an sunod na maabot saimo.

Parahulit 7:14 ပူးပေါင်းရင်းမြစ်များ

1 Mga Hade 8:47

hinanyoga an mga pamibi nin saimong banwaan. Kun sa dagang pinagdarahan sainda magsolsol saka mamibi sinda saimo, mag-ako kan saindang kasombikalan, hinanyoga an saindang mga pamibi, O Kagurangnan.

An Libro ni Job 2:10

Nagsimbag si Job, “Garo ka lolong na babae kun magtaram! Tama daw na an marahay sana an akoon ta sa kamot nin Dios asin dai kita mag-ako nin kasakitan?” Maski nangyari ining kasakitan ki Job, mayo siyang sinabi na tumang sa Dios.

Salmo 119:71

Marahay para sako na ako nagtios, huli ta nakanood ako kan saimong mga kabotan.

Salmo 40:3

Bagong awit itinukdo niya sako, sarong awit nin pag-omaw sa satuyang Dios. Dakul an makakahiling saka matatakot, asin magsasarig sinda sa Kagurangnan.

Parahulit 10:14

An lolong taram sanang taram. Mayong nakakaaram kun ano an sunod na mangyayari, asin mayong makakataram kun ano an mangyayari sato pakatapos na kita magadan.

Parahulit 11:9

Mga hoben, ipag-ogma nindo an saindong pagkanihoben; mag-ogma kamo mantang kamo aki pa. Giboha an boot nindo asin sunoda an kamawotan kan saindong puso. Alagad giromdomon nindo na huhukoman kamo nin Dios sa gabos nindong gibo.

Parahulit 12:13

Pakatapos kaini, saro na sana an dapat itaram: Matakot ka sa Dios, asin otobon mo an saiyang mga togon, huli ta iyo iyan an katongdan nin tawo.

Parahulit 12:8

Mayo nin halaga, an sabi kan Parahulit. An gabos mayo nin halaga.

Parahulit 3:22

Kaya nahiling ko na mayo nin marahay para sa tawo kundi an mag-ogma sa saiyang trabaho, huli ta iyan an saiyang palad. Mayo kita nin paagi tanganing maaraman ta an mangyayari pakatapos na kita magadan.

Parahulit 3:4

panahon nin pagtangis, dangan panahon nin pagngisi; panahon nin pagmondo, dangan panahon nin pagsayaw;

Parahulit 5:17

An bilog niyang aldaw ipinapamuhay niya sa kadikloman, sa kamondoan, sa kahandalan, sa kaanggotan, asin sa kahelangan.

Parahulit 8:7

Mayo satong nakakaaram kun ano an mangyayari, asin mayong mataram sato.

Parahulit 9:7

Ipadagos mo an saimong pagkakan asin mag-ogma ka; inoma an saimong arak asin maggayagaya ka. Oyon kaiyan an Dios.

Isaias 26:11

Dai naaaraman kan saimong mga kaiwal na papadusahan mo sinda. Sopogon mo sinda, Kagurangnan, asin patiosa sinda; patiosa sinda kan padusa na saimong inandam. Pahilingan sainda kun gurano an pagkamoot mo sa saimong banwaan.

Isaias 42:25

Kaya ipinamate niya sato an saiyang makuring kaanggotan, asin pinatios kan kadahasan nin gera. Arog sa kalayo, an saiyang kaanggotan naglaad sa bilog na Israel, alagad an nangyari dai ta nanggad aram; mayo kitang nanodan hale diyan.

Jeremias 23:20

asin dai iyan maontok sagkod na dai pa niya matapos an boot niyang gibohon. Sa huring aldaw malinaw na masasabotan ini kan saiyang banwaan.”

Mga Panambitan 3:38

Nangyayari an marahay asin an maraot huli sana sa saiyang pagboot.

Mikas 6:9

Marahay an magkaigwa nin takot sa Kagurangnan. Nag-aapod siya sa syudad, “Pagdangog kamo na mga tawong nagtitiripon sa syudad!

Mateo 9:13

Isip-isipa daw nindo kun ano an kahulogan kaini, ‘Pagkaherak an mawot ko, bakong atang.’ Dai ako nagdigdi sa pag-apod kan mga banal kundi kan mga parakasala.”

Mga Gibo 14:22

Pinakosog ninda an boot kan mga paratubod asin sinadol na magdanay sa pagtubod. Sinabihan pa ninda an mga parasunod, “Kaipuhan mag-agi kita nin dakul na kasakitan bago makalaog sa Kahadean nin Dios.”

Deuteronomio 26:11

Magpasalamat kamo sa Kagurangnan na saindong Dios huli sa mga karahayan na itinao niya saindo asin sa saindong pamilya; magselebrar kamo kaiba an mga Levita sagkod an mga dayuhan na nakikihimanwa saindo.

Deuteronomio 28:47

Benendisyonan kamo nin Kagurangnan sa gabos na bagay, alagad dai kamo naglingkod saiya sa maogma asin magayagayang puso.

Deuteronomio 8:3

Ginutom niya kamo dangan pinakakan nin manna, sarong pagkakan na dai pa nanamitan nindo asin kan saindong mga magurang. Ginibo niya idto tanganing tukdoan kamo na an tawo nabubuhay bako sa tinapay sana kundi sa lambang tataramon na minagikan sa ngoso nin Kagurangnan.

Deuteronomio 8:5

Giromdoma na sinasagwe asin pinapadusahan kamo nin Kagurangnan na saindong Dios siring sa sarong ama na nagdidisiplina kan saiyang mga aki.

Santiago 5:13

Igwa diyan saindo na napupurisaw? Dapat siyang mamibi. Igwa diyan saindong maogma? Mag-awit nin mga pag-omaw.