Parahulit 7:12 - Marahay na Bareta Biblia

¹² Magtatao iyan saimo nin katiwasayan, siring sa itinatao nin kwarta. Iingatan ka kan kadonongan—iyo ini an karahayan kan pakaaram.

Parahulit 7:12 ပူးပေါင်းရင်းမြစ်များ

An Libro ni Job 1:10

Danay mo siyang sinusurog asin an saiyang pamilya patin an mga rogaring niya. Benebendisyonan mo an gabos niyang gibo, asin tinawan mo siya nin dakul na hayop na pwedeng makapano kan daga.

Salmo 57:1

Kaheraki ako, O Dios, kaheraki ako, huli ta minapaalaw ako saimo. Sa lindong kan saimong mga pakpak ako minapaili, sagkod na an mga bagyo nin pag-alaman makaagi.

Mga Talinhaga 11:4

Sa aldaw nin kagadanan mayo nin pakinabang an kayamanan, alagad an katanosan iyo an maligtas kan saimong buhay.

Mga Talinhaga 14:20

An dukha dai nagugustohan maski kan saiyang kanatad, alagad an mayaman dakul an katood.

Mga Talinhaga 2:11

An pakaaram iyo an mag-iingat saimo; an pakasabot iyo an mabantay saimo.

Mga Talinhaga 2:7

Siya an nagtatabang asin nag-iingat sa mga matanos saka onestong mga tawo.

Mga Talinhaga 3:18

An kadonongan sarong kahoy nin buhay para sa mga namumugol saiya; an mga namumugol saiya nin maigot inaapod na paladan.

Mga Talinhaga 8:35

Huli ta an nakakakua sako, nakakakua nin buhay, asin nawiwilihan siya nin Kagurangnan.

Mga Talinhaga 9:11

Huli sako, madakul an saimong mga aldaw asin mahalawig an saimong buhay.

Parahulit 10:19

An tinapay nakakapaogma, asin an arak nakakapagian sa buhay; alagad dai iyan makakamtan kun mayo nin kwarta.

Parahulit 2:13

Dangan namidbid ko na an Kadonongan mas marahay ki sa kalolongan, siring na an liwanag mas marahay ki sa kadikloman.

Parahulit 7:19

An kadonongan nagtatao nin kosog sa sarong tawo orog pa ki sa magigibo nin sampolong pamayo para sa sarong syudad.

Parahulit 9:16

Danay kong sinasabi na an kadonongan marahay ki sa kosog, alagad mayo nin naghohona na an sarong dukha madonong o mayo nin nagdadangog kun siya nagtataram.

Parahulit 9:18

Mas marahay an kadonongan ki sa mga armas nin gera, alagad an sarong parakasala nagraraot nin dakul na karahayan.

Isaias 30:2

Nagduduman sinda sa Egipto tanganing maghagad nin tabang maski dai pa sinda naghahagad kan sakong hatol. Boot nindang surogon sinda kan Egipto, kaya ibinubugtak ninda an saindang pagsarig sa hade nin Egipto.

Isaias 32:2

An lambang saro sa sainda makakaagid sa sarong lugar na pailihan sa doros asin sa sarong lugar na matatagoan kun igwa nin bagyo. Makakaarog sinda sa mga salog na nagbubulos sa desyerto, siring sa lindong nin sarong dakulang gapo sa lugar na mayo nin anoman na masisirongan.

Isaias 33:6

asin papakosogon niya an nasyon. Danay niyang sinusurog an saiyang banwaan asin tinatawan niya sinda nin kadonongan saka pakasabot. An pagkatakot sa Kagurangnan iyo an pinakamahalaga nindang kayamanan.

Juan 12:50

Aram ko na an saiyang pagboot nagtatao nin buhay na daing kataposan. Kaya an ipinapasabi kan Ama, iyo an sinasabi ko.”

Juan 17:3

An buhay na daing kataposan iyo ini: na mamidbidan ka ninda, an iyo sanang tunay na Dios, saka si Jesu-Cristo na sinugo mo.

Deuteronomio 32:47

Mahalaga an mga katukdoan na ini; iyo ini an saindong buhay. Kuyogon nindo ini asin mahalawig an saindong buhay duman sa daga na nasa ibong kan Jordan, sa daga na saindong sasadirihon.”

Filipos 3:8

Sa katotoohan an gabos na bagay ibinibilang kong mayo nin halaga, huli kan bagay na pinakamahalaga—an pakamidbid ki Cristo Jesus na sakong Kagurangnan. Huli saiya itinapok ko an gabos na garo basura, tanganing makamtan ko si Cristo,

Hukom 9:15

Nagsimbag an binit, ‘Kun talagang boot nindo akong gibohon na saindong hade, madya asin sirong kamo sa sakong limpoy. Kun habo kamo, maluwas sa sakong matonok na mga sanga an kalayo na matutong kan mga sedro nin Lebanon.’