Parahulit 6:8 - Marahay na Bareta Biblia

⁸ Paano magigin orog na paladan an tawong madonong ki sa tawong lolong? Ano an pakinabang nin sarong dukha maski masabotan pa niya kun paano an pag-atubang sa buhay?

Parahulit 6:8 ပူးပေါင်းရင်းမြစ်များ

Genesis 17:1

Kan nubenta y nuebe na an edad ni Abram, nagpahiling saiya an Kagurangnan asin nagtaram saiya, “Ako an Makakamhan na Dios; kuyogon mo ako asin danay mong gibohon an matanos.

Salmo 101:2

Ako malakaw sa dalan nin kabanalan. Nuarin ka madalaw sakuya? Sa sakuyang harong mamumuhay ako na malinig an puso,

Salmo 116:9

Kaya naglalakaw ako sa atubang nin Kagurangnan sa daga kan mga nabubuhay.

Mga Talinhaga 19:1

Mas marahay an magin dukha alagad matanos an pamumuhay, ki sa magin putikon na lolong.

Parahulit 5:11

Kun mayaman ka na, dakul man an papakakanon mo. Mayo ka man nin pakinabang kundi an pakaaram na mayaman ka.

Parahulit 6:9

Ini mayo man nin halaga, asin garo sana paglamag sa doros. Mas marahay pang makontento ka kan yaon na saimo ki sa sarong bagay na danay pang minamawot.

Lukas 1:6

An mag-agom na ini parehong banal; nagkukuyog sinda kan gabos na katogonan asin pagboot nin Kagurangnan.

1 Timoteo 6:17

Pagbotan mo an mga mayaman sa kinaban na ini na dai sinda magin mapaabaw-abaw; dai sinda magsarig sa mga bagay na dai malalaoman arog baga kan kayamanan, kundi magsarig sa Dios na matinao sato kan gabos na bagay para sa satong kaogmahan.