Parahulit 6:7 - Marahay na Bareta Biblia

⁷ Ginigibo nin tawo an gabos niyang trabaho tanganing magkaigwa siya nin kakanon, alagad nakukulangan man giraray an tulak niya.

Parahulit 6:7 ပူးပေါင်းရင်းမြစ်များ

Mga Talinhaga 16:26

An gana sa pagkakan an orog na nakakapahigos sa sarong trabahador, huli ta boot niyang mabolong an saiyang gutom.

Parahulit 1:8

An gabos na bagay pano nin kapagalan; anoman an itaram nin tawo dai iyan nanggad ikapaliwanag. An mata dai nakokontento sa paghiling; siring man an talinga sa pagdangog.

Parahulit 5:10

An namomoot sa kwarta, dai nanggad makokontento kaiyan. An namomoot sa kayamanan padagos na magpaparahanap kaiyan. Ini mayo man nin halaga.

Parahulit 5:9

Maski an hade minalaom sa bunga kan kaomahan.

Parahulit 6:3

An sarong tawo pwedeng magkaigwa nin sanggatos na aki asin pwedeng mabuhay sa halawig na panahon. Alagad maski gurano kahalawig an saiyang buhay, kun dai niya nanamitan an mga marahay na bagay nin buhay asin dai siya nagkaigwa nin desenteng lubong, ako minasabi na mas marahay pa saiya idtong omboy na gadan nang namundag.

Parahulit 6:8

Paano magigin orog na paladan an tawong madonong ki sa tawong lolong? Ano an pakinabang nin sarong dukha maski masabotan pa niya kun paano an pag-atubang sa buhay?

Mateo 6:25

“Kaya sinasabihan ko kamo, dai kamo mahadit dapit sa pagbuhay nindo, kun ano an kakakanon o iinomon o kun ano an gugubingon. Bakong mas mahalaga an buhay ki sa kakanon; an hawak ki sa gubing?

Lukas 12:19

Dangan masabi ako, Paladan ako! Igwa na ako kan gabos kong kaipuhan para sa halawig na panahon. Magpapahayahay na sana ako, magkakakan, mag-iinom saka mag-oogma!’

Juan 6:27

Dai kamo magpagal para sa kakanon na nalalapa, kundi para sa kakanon na nagdadanay sagkod sa buhay na daing kataposan, na itatao saindo kan Aki nin Tawo; huli ta sa saiya ibinugtak kan Dios Ama an saiyang tanda.”