Parahulit 6:6 - Marahay na Bareta Biblia

⁶ orog pa ki sa tawo na dai man lamang nakakamate kan kaogmahan nin buhay, maski mabuhay pa siya nin duwang ribong taon. Huli ta sindang duwa maduman sa pareho man sanang lugar.

Parahulit 6:6 ပူးပေါင်းရင်းမြစ်များ

Genesis 5:5

bago siya nagadan sa edad na nwebe syentos treyntang taon.

An Libro ni Job 1:21

Nagsabi siya, “Huba ako kan iluwas sa tulak kan sakong ina, asin huba akong mabalik. An Kagurangnan an nagtao, asin an Kagurangnan an nagkua. Pag-omawon logod an ngaran nin Kagurangnan!”

An Libro ni Job 30:23

Aram kong dadarahon mo ako sa sakong kagadanan, an huring padudumanan kan gabos na nabubuhay.

An Libro ni Job 7:7

“Giromdoma, O Dios, na saro sanang hinangos an sakong buhay; haloy nang natapos an sakong kaogmahan.

Salmo 34:12

Boot nindong mabuhay sa kaogmahan? Mawot nindo an halawig na buhay asin kaogmahan?

Parahulit 12:7

An satong hawak mabalik sa alpog kan daga, asin an hinangos nin buhay mabalik sa Dios, na iyo an nagtao kaiyan sato.

Parahulit 2:14

An madonong nakakahiling kan saiyang padudumanan, alagad an lolong naglalakaw sa kadikloman. Alagad aram kong saro sana an aabotan ninda gabos.

Parahulit 3:20

Pareho man an saindang padudumanan—gikan sinda sa alpog asin sa alpog sinda mabalik.

Parahulit 6:3

An sarong tawo pwedeng magkaigwa nin sanggatos na aki asin pwedeng mabuhay sa halawig na panahon. Alagad maski gurano kahalawig an saiyang buhay, kun dai niya nanamitan an mga marahay na bagay nin buhay asin dai siya nagkaigwa nin desenteng lubong, ako minasabi na mas marahay pa saiya idtong omboy na gadan nang namundag.

Parahulit 6:5

Dai man iyan nakahiling kan liwanag nin aldaw o nakamidbid nin anoman, alagad nakakua nin katoninongan

Parahulit 7:2

Mas marahay an magduman sa harong na igwa nin pagmondo ki sa harong na igwa nin bangkete, huli ta an nabubuhay dapat na magromdom na naghahalat sato gabos an kagadanan.

Parahulit 9:2

huli ta parareho an kataposan kan gabos, matanos man o tampalasan, marahay man o maraot, malinig man o maati, nagdodolot man nin atang o dai. An tawong banal mayo man nin kalaenan sa tawong parakasala; an tawong minasumpa arog man sa tawong dai minasumpa.

Isaias 65:20

An mga pasuso dai na magagadan mantang omboy pa, asin an gabos na tawo maghahalawig an buhay. An mga nakakaabot sa edad na sanggatos, ibibilang na aki pa. An magkagaradan bago kan edad na iyan magigin sarong tanda na pinapadusahan ko sinda.

Jeremias 17:6

Arog siya sa sarong sadit na kahoy sa desyerto, na nagtatalubo sa alang na daga, sa maasgad na daga, na mayo na nin ibang nagtatalubo. Mayo nin marahay na nangyayari saiya.

Hebreyo 9:27

Itinalaan na sarong beses sana magadan an lambang tawo, dangan an paghukom.