Parahulit 6:3 - Marahay na Bareta Biblia

³ An sarong tawo pwedeng magkaigwa nin sanggatos na aki asin pwedeng mabuhay sa halawig na panahon. Alagad maski gurano kahalawig an saiyang buhay, kun dai niya nanamitan an mga marahay na bagay nin buhay asin dai siya nagkaigwa nin desenteng lubong, ako minasabi na mas marahay pa saiya idtong omboy na gadan nang namundag.

Parahulit 6:3 ပူးပေါင်းရင်းမြစ်များ

Genesis 33:5

Kan mahiling ni Esau an kababaehan asin kaakian naghapot siya, “Siisay an mga kairiba mong ini?” Nagsimbag si Jacob, “Sinda an mga aking pinagmarahay nin Dios na itao sako.”

Genesis 47:9

Nagsimbag si Jacob, “An mga taon nin sakong pakikihimanwa uminabot na sa syento treynta. Kadikit asin masakit an mga taon na iyan, bakong arog kan halawig na panahon nin pakikihimanwa kan sakong mga ginikanan.”

2 Mga Hade 10:1

Si Ahab igwa nin setentang aking lalaki na nag-eerok sa syudad nin Samaria. Sinuratan ni Jehu an mga pamayo kan syudad, an kamagurangan, asin an mga nag-aataman kan mga aking lalaki ni Ahab. Ini an laog kan surat:

2 Mga Hade 9:35

Alagad kan magruluwas an mga lalaking malubong ki Jezebel, an nakua sana ninda iyo an bungo asin an mga tolang kan mga kamot saka mga bitis ni Jezebel.

1 Mga Cronica 28:5

Tinawan niya ako nin dakul na aking lalaki, asin sa sainda pinili niya si Solomon na sakong aki na maghade sa Israel, an kahadean nin Kagurangnan.

2 Mga Cronica 11:21

Nagkaigwa si Rehoboam nin dyes y otsong agom saka sesentang kasaroan, asin nagkaigwa siya nin beynte y otsong aking lalaki saka sesentang aking babae. Orog niyang namotan si Maaca ki sa gabos niyang agom saka kasaroan,

Esther 5:11

Ipinaghambog niya sainda an saiyang kayamanan, an dakul niyang mga aking lalaki, an haralangkaw na mga katongdan na itinao saiya kan hade asin an pagigin mas mahalaga niya ki sa ibang mga opisyal.

Esther 7:10

Kaya binitay ninda si Haman sa bitayan na inandam niya para ki Mardokeo. Dangan napara an kaanggotan kan hade.

An Libro ni Job 3:11

“Tadaw ta dai ako nagadan sa tulak nin sakong ina o nagadan pakatapos na ako mamundag?

An Libro ni Job 3:16

o nagkakatorog arog sa sarong aking gadan nang namundag.

Salmo 58:8

Makaarog logod sinda sa guling-guling na nagigin laboy; siring sa aking gadan nang namundag, ta sala sa panahon asin dai lamang nakahiling nin liwanag.

Mga Talinhaga 17:6

Ipinag-oorgulyo kan mga lolo an saindang mga makoapo, siring na ipinag-oorgulyo kan mga aking lalaki an saindang mga ama.

Parahulit 4:3

alagad orog na paladan ki sa duwang ini an mga dai pa namundag saka dai pa nakahiling kan mga karatan na ginigibo sa kinaban.

Parahulit 6:4

Mayo man nin halaga kun mamundag an aki; minaduman iyan sa kadikloman dangan nalilingawan.

Jeremias 22:19

Arog kan paglubong sa asno an gigibohon na paglubong saiya; guguyodon siya sa harayo saka itatapok sa luwas kan mga trangkahan nin Jerusalem.”

Jeremias 36:30

Kaya ngunyan, ako, an Kagurangnan, nagsasabi saimo, Hadeng Jehoiakim, na mayo nin siisay man sa mga kapagarakian mo na maghahade sa kahadean ni David. Itatapok sa luwas an saimong bangkay asin tanganing mabalad kun aldaw saka maambonan kun banggi.

Jeremias 8:2

Embes na tiponon saka ilubong, an saindang mga tolang garo ati na papabayaan sa daga. Iwawarak iyan tanganing masaldangan kan aldaw, maliwanagan kan bulan asin kan mga bitoon na namotan, pinaglingkodan, hinapot saka sinamba kan mga tawong iyan.

Mateo 26:24

Magagadan an Aki nin Tawo siring sa nasusurat manongod saiya, alagad herak man sa tawong mapasaluib sa Aki nin Tawo! Mas marahay pang dai na siya namundag!”