Parahulit 6:12 - Marahay na Bareta Biblia

¹² Siisay an nakakaaram kun ano an marahay para sa tawo digdi sa halipot saka mayo nin halagang buhay—sarong buhay na minaagi sana siring sa sarong anino? Siisay an makakasabi kun ano an mangyayari sa kinaban pagkatapos na magadan siya?

Parahulit 6:12 ပူးပေါင်းရင်းမြစ်များ

1 Mga Cronica 29:15

Mga dayuhan kami sa atubangan mo; mga nakikihimanwa, arog kan samong mga ginikanan. An samong mga aldaw arog sa sarong anino, asin dai magdadanay.

An Libro ni Job 14:2

Minatalubo kita siring sa sarong burak, dangan naaalang tolos; nawawara kita siring sa mga anino.

An Libro ni Job 14:21

Iginagalang an mga aki niyang lalaki, alagad dai niya iyan aram, ni may magsabi saiya kun sinda nasosopgan.

An Libro ni Job 8:9

Halipot an satong buhay, asin mayo kitang naaaraman; an satong mga aldaw sa kinaban nakakaagid sa sarong anino.

Salmo 102:11

An mga aldaw ko arog kan anino sa banggi; siring sa doot naaalang ako.

Salmo 109:23

Siring kan anino sa banggi, ako napapara; siring kan doron, ako ipinapadpad.

Salmo 144:4

An tawo siring sa sarong hinangos; an saiyang mga aldaw siring sa aninong minaagi.

Salmo 16:5

An Kagurangnan iyo an sakong kalis asin piniling kahirasan; an sakong buhay saiyang nakakaptan.

Salmo 17:15

Para sako, mahihiling ko sa katanosan an saimong lalawogon; pagmata ko dangan mahiling ka, mayo na akong ibang mamawoton.

Salmo 4:6

Dakul an nagsasabi, “Makahiling logod kami nin mga karahayan! Hilinga kami na may pagkaherak, O Kagurangnan!”

Salmo 47:4

An satong pamana pinili niya para sato, an orgulyo ni Jacob na saiyang namomotan.

Salmo 89:47

Giromdoma kun gurano kahalipot an sakuyang buhay; giromdoma na linalang mo kami gabos na may kagadanan!

Parahulit 10:14

An lolong taram sanang taram. Mayong nakakaaram kun ano an sunod na mangyayari, asin mayong makakataram kun ano an mangyayari sato pakatapos na kita magadan.

Parahulit 12:13

Pakatapos kaini, saro na sana an dapat itaram: Matakot ka sa Dios, asin otobon mo an saiyang mga togon, huli ta iyo iyan an katongdan nin tawo.

Parahulit 2:24

Mayo nin marahay para sa sarong tawo kundi an magkakan asin mag-inom patin mag-ogma sa saiyang pinagalan. Alagad nahiling ko na maski ini gikan man sa kamot nin Dios;

Parahulit 2:3

Sa maigot kong pagmawot na makamtan an kadonongan, nag-isip akong paogmahon an sakong hawak sa paagi nin arak asin nin kalolongan. Nagsaboot ako na tibaad iyo ini an pinakamarahay na paagi sa paggamit nin tawo kan halipot niyang buhay sa daga.

Parahulit 3:22

Kaya nahiling ko na mayo nin marahay para sa tawo kundi an mag-ogma sa saiyang trabaho, huli ta iyan an saiyang palad. Mayo kita nin paagi tanganing maaraman ta an mangyayari pakatapos na kita magadan.

Parahulit 6:11

Kun orog na haloy an diskutiran, orog na mayo iyan nin halaga, asin mayo nin pakinabang para sa tawo.

Parahulit 7:15

Sa sakong mayong halagang buhay nahiling ko an gabos na bagay. An sarong matanos na tawo pwedeng magadan mantang an saro padagos na nabubuhay, maski siya sarong maraot na tawo.

Parahulit 8:13

alagad bako iyan magigin marahay para sa mga tampalasan. An saindang buhay arog sa sarong anino, asin hoben pa sindang magagadan huli ta dai sinda nagkukuyog sa Dios.”

Parahulit 8:7

Mayo satong nakakaaram kun ano an mangyayari, asin mayong mataram sato.

Parahulit 9:6

Kaiba nindang nagadan an saindang pagkamoot, an saindang pagkaongis asin pagkaori. Mayo na sinda nin kahirasan sa mga nangyayari sa kinaban.

Parahulit 9:9

Mag-ogma ka sa buhay kaiba an agom na saimong namomotan, sagkod na igwa ka pa kan mayong halagang buhay na itinao saimo nin Dios sa kinaban na ini, huli ta iyan man lamang an kahirasan mo sa buhay para sa gabos mong kapagalan.

Mikas 6:8

Dai, sinabihan na kita nin Kagurangnan kun ano an marahay. An hinahagad niya sato iyo ini: an paggibo kan matanos, an danay na mamoot, asin an mamuhay na mapakumbaba sa kaibahan nin satong Dios.

Santiago 4:14

Dai ngani nindo aram kun ano an mangyayari sa buhay nindo sa aga! An buhay nindo garo sana alopoop na minatunga sa kadikit na oras dangan napapara.