Parahulit 5:9 - Marahay na Bareta Biblia

⁹ Maski an hade minalaom sa bunga kan kaomahan.

Parahulit 5:9 ပူးပေါင်းရင်းမြစ်များ

Salmo 115:16

An langit sadiri nin Kagurangnan, alagad an daga itinao niya sa katawohan.

Mga Talinhaga 13:23

An dagang dai naooma pwedeng magtao nin dakul na kakanon sa dukha, alagad an mga maraot dai minatugot na tanoman iyan.

Mga Talinhaga 28:19

An mahigos na paraoma magkakaigwa nin dakul na kakanon, alagad an nagsasayang sana nin oras magdadanay sa kadukhaan.

Parahulit 4:8

An sarong tawo na nabubuhay na solo-solo, mayo nin aki o tugang, alagad mayong kataposan an pagtrabaho niya, asin an saiyang mata nakukulangan pa kan saiyang kayamanan. Para kiisay an saiyang pagpagal saka pagsayuma niya nin kaogmahan sa sadiri? Ini man mayo nin halaga asin sarong mamondong kamugtakan.

Parahulit 5:10

An namomoot sa kwarta, dai nanggad makokontento kaiyan. An namomoot sa kayamanan padagos na magpaparahanap kaiyan. Ini mayo man nin halaga.

Parahulit 5:8

Dai ka magngalas kun mahiling mo na an mga dukha inaapi kan gobyerno asin isinasayuma sainda an katanosan saka an saindang deretso; huli ta an lambang opisyal dinedepensahan kan mas halangkaw saiya, asin sindang duwa dinedepensahan man kan mas halangkaw pa sainda.

Parahulit 6:7

Ginigibo nin tawo an gabos niyang trabaho tanganing magkaigwa siya nin kakanon, alagad nakukulangan man giraray an tulak niya.