Parahulit 5:13 - Marahay na Bareta Biblia

¹³ Igwa akong nahiling na maraot na bagay sa kinaban: minatipon nin kwarta an tawo sa ikakaraot niya.

Parahulit 5:13 ပူးပေါင်းရင်းမြစ်များ

Genesis 14:16

dangan nabawi niya an gabos na sinamsam. Nabawi man niya si Lot na saiyang sobrino asin an mga rogaring kaini, kaiba an kababaehan saka an iba pang bilanggo.

Genesis 19:14

Kaya dinuman ni Lot an mga lalaking gustong mag-agom kan duwa niyang daraga asin sinabihan, “Maghale tolos kamo digdi; tutunawon nin Kagurangnan an syudad na ini.” Alagad an mga ini naghona na nagkakalwag sana si Lot.

Genesis 19:26

Alagad nagsalingoy an agom ni Lot kaya nagin sarong hariging asin siya.

An Libro ni Job 20:20

Huli ta mayong kapahingaloan an saiyang kapasloan, ngapit mayong matatada sa saiyang nawiwilihan.

Mga Talinhaga 1:19

Siring kaiyan an nangyayari sa kiisay man na nabubuhay sa kadahasan; an panghahabon iyo an magadan sa mahabon.

Mga Talinhaga 1:32

An pagtalikod sa kadonongan iyo an minagadan sa mayong eksperyensya, asin an dai pakilabot kan mga lolong iyo an minaraot sainda.

Mga Talinhaga 11:4

Sa aldaw nin kagadanan mayo nin pakinabang an kayamanan, alagad an katanosan iyo an maligtas kan saimong buhay.

Mga Talinhaga 23:4

Dai mo paggadanon an saimong sadiri sa pagpayaman; magin madonong ka tanganing malikayan mo iyan.

Mga Talinhaga 27:24

huli ta an kayamanan dai nagdadanay. Maski an mga nasyon igwa nin kataposan.

Parahulit 4:8

An sarong tawo na nabubuhay na solo-solo, mayo nin aki o tugang, alagad mayong kataposan an pagtrabaho niya, asin an saiyang mata nakukulangan pa kan saiyang kayamanan. Para kiisay an saiyang pagpagal saka pagsayuma niya nin kaogmahan sa sadiri? Ini man mayo nin halaga asin sarong mamondong kamugtakan.

Parahulit 5:14

Dangan an kwartang iyan nawawara sa negosyo na dai nag-uswag. An kataposan iyo an mayo siyang ikakawalat na pamana sa saiyang mga aki.

Parahulit 8:9

Nahiling ko ini gabos kan horophoropon ko an nangyari sa kinaban, saen an ibang tawo igwa nin kapangyarihan, mantang an iba minatios sa pananakop kan mga tawong iyan.

Isaias 2:20

Sa aldaw na iyan, an saindang mga dios na plata saka bulawan itatapok kan katawohan sa mga kino saka mga paniki, mga dios na saindang ginibo tanganing sambahon.

Sofonias 1:18

Sa aldaw na ipahiling nin Kagurangnan an labi-labi niyang kaanggotan, dai sinda ikakaligtas maski kan gabos nindang plata o bulawan. An bilog na daga raraoton kan kalayo nin saiyang kaanggotan. Tataposon niya an gabos na nag-eerok sa daga—sarong bigla na kataposan.

Lukas 16:19

“Igwa kaidto nin sarong mayaman. Mga mamahalon an gubing niya asin masisiram an mga kinakakan aroaldaw.

Lukas 19:8

Nagtindog si Zakeo saka nagsabi ki Jesus, “Kagurangnan, itatao ko sa mga dukha an kabanga kan mga rogaring ko asin kun may nadaya ako, duwang doble an ibabayad ko saiya.”