Parahulit 4:9 - Marahay na Bareta Biblia

⁹ An duwa mas marahay ki sa saro, huli ta mas dakul an magigin marahay na bunga kan saindang kapagalan.

Parahulit 4:9 ပူးပေါင်းရင်းမြစ်များ

Genesis 2:18

Dangan nagtaram an Kagurangnan Dios, “Bakong marahay na magsolo-solo an tawo. Magibo ako nin sarong maninigong kaibahan niya na makakatabang saiya.”

1 Mga Cronica 19:12

Sinabihan ni Joab si Abisai, “Kun nahihiling mong nadadaog ako kan mga taga Siria, tabangan mo ako, asin kun nadadaog ka kan mga Ammonita, tatabangan taka.

Mga Talinhaga 27:17

Lansang an minapatarom sa lansang, asin tawo an minapatarom sa isip kan kapwa niya tawo.

Parahulit 4:10

Kun matumba an saro sainda, tatabangan siyang magtindog kan saro; alagad herak man sa nagsosolo-solo kun siya matumba, huli ta mayo nin matabang saiya na makatindog.

Parahulit 4:8

An sarong tawo na nabubuhay na solo-solo, mayo nin aki o tugang, alagad mayong kataposan an pagtrabaho niya, asin an saiyang mata nakukulangan pa kan saiyang kayamanan. Para kiisay an saiyang pagpagal saka pagsayuma niya nin kaogmahan sa sadiri? Ini man mayo nin halaga asin sarong mamondong kamugtakan.

Hageo 1:14

Pinasabongan nin Kagurangnan an lambang saro na magtrabaho sa Templo: si Zerubabel na gobernador nin Juda; si Josue na Halangkaw na Padi, asin an gabos na tawong nagbalik hale sa pagkatapokan. Nagpoon sindang magtrabaho sa Templo kan Kagurangnan nin mga hukbo, na saindang Dios,

Mga Bilang 11:14

An mga tawong ini sarong pasanon na magabat nin marahay para sako; dai ko sinda madadara na ako sanang saro!

Markos 6:7

Inapod niya an doseng disipulo asin sinugo niyang manduwa-duwa. Tinawan niya sinda nin kapangyarihan sa pagpaluwas nin mga maraot na espiritu.

Juan 4:36

An siisay man na nag-aani tatandanan; tinitipon niya an mga inani para sa buhay na daing kataposan. Kaya parehong maogma an paratanom saka an paraani!

Mga Gibo 13:2

Sarong aldaw, kan nagsasamba sinda sa Kagurangnan saka nag-aayuno, nagsabi sainda an Espiritu Santo, “Laena nindo para sako si Bernabe asin si Saulo para sa misyon na ipinanongod ko para sainda.”

2 Juan 1:8

Kaya maglikay kamo, tanganing dai mawara an saindong pinagpagalan, kundi makamtan nindo an bilog na balos saindo.

Ruth 2:12

Balosan ka logod nin Kagurangnan huli kan saimong ginibo. Magkaigwa ka logod kan maninigong kabayadan hale sa Kagurangnan, an Dios kan Israel, na dinolok mo tanganing magpaataman.”