Parahulit 4:8 - Marahay na Bareta Biblia

⁸ An sarong tawo na nabubuhay na solo-solo, mayo nin aki o tugang, alagad mayong kataposan an pagtrabaho niya, asin an saiyang mata nakukulangan pa kan saiyang kayamanan. Para kiisay an saiyang pagpagal saka pagsayuma niya nin kaogmahan sa sadiri? Ini man mayo nin halaga asin sarong mamondong kamugtakan.

Parahulit 4:8 ပူးပေါင်းရင်းမြစ်များ

Genesis 2:18

Dangan nagtaram an Kagurangnan Dios, “Bakong marahay na magsolo-solo an tawo. Magibo ako nin sarong maninigong kaibahan niya na makakatabang saiya.”

Salmo 39:6

totoong an tawo arog sana sa sarong anino. Mayo nin halaga an saiyang mga gibo; mga sinaray niyang yaman dai niya aram kun siisay an makinabang.

Salmo 39:7

Kagurangnan, ano an sakuyang hahalaton? Ika nanggad sana an sakong paglaom.

Mga Talinhaga 27:20

An kinaban kan mga gadan dai nanggad nakokontento; siring man kaiyan an mga kamawotan nin tawo.

Parahulit 1:13

Hiningowa kong siyasaton asin adalan an gabos na bagay na ginigibo sa kinaban na ini. Mamondong palad an itinao nin Dios sa sato.

Parahulit 1:8

An gabos na bagay pano nin kapagalan; anoman an itaram nin tawo dai iyan nanggad ikapaliwanag. An mata dai nakokontento sa paghiling; siring man an talinga sa pagdangog.

Parahulit 2:21

huli ta kun minsan, an gabos na ginibo na may kadonongan, pakasabot asin pakaaram, iwawalat man sana sa saro katawo na dai man nagpagal kaiyan. Ini mayo man nin halaga, asin sarong dakulang karatan.

Parahulit 2:23

Huli ta an gabos niyang aldaw pano nin kasakitan, asin kulog nin boot; maski sa banggi daing pahingalo an saiyang isip. Ini mayo man nin halaga.

Parahulit 4:7

Nahiling ko pa sa kinaban an sarong bagay na mayo nin halaga.

Parahulit 5:10

An namomoot sa kwarta, dai nanggad makokontento kaiyan. An namomoot sa kayamanan padagos na magpaparahanap kaiyan. Ini mayo man nin halaga.

Parahulit 5:9

Maski an hade minalaom sa bunga kan kaomahan.

Isaias 5:8

Herak man sa mga tawong nagsusugpon nin harong sa dati na nindang harong, mga tawong nagdadagdag nin oma sa saindang oma sagkod na dai na nin ibang nag-eerok sa daga kundi sinda na sana.

Isaias 55:2

Tadaw ta inuubos nindo an saindong kwarta para sa dai nakakabasog? Tadaw ta inuubos nindo an saindong tandan asin padagos pa kamong nagugutom? Dangoga nindo ako asin giboha an sasabihon ko, dangan mananamitan nindo an pinakamarahay sa gabos na kakanon.

Mateo 11:28

“Madya kamo sako, kamo gabos na napapagal asin nagagabatan, ta tatawan ko kamo nin kapahingaloan.

Lukas 12:20

Alagad sinabihan siya nin Dios, ‘Lolong! Ngunyan man sanang banggi magagadan ka. Sa kiisay mapapaduman an mga tinipon mo?’”

1 Juan 2:16

Huli ta an gabos na yaon sa kinaban—an karigsokan kan hawak, an karigsokan kan mata, asin an gabos na ipinaghahambog nin tawo sa buhay na ini—bakong gikan sa Ama kundi sa kinaban.