Parahulit 4:4 - Marahay na Bareta Biblia

⁴ Nasabotan ko man an dahelan kun tano ta nagtatrabaho nin maigot an tawo; an dahelan iyo an pagkaori sa pagsadiri nin iba. Ini mayo nin halaga, asin garo man sana paglamag sa doros.

Parahulit 4:4 ပူးပေါင်းရင်းမြစ်များ

Genesis 26:14

Naara saiya an mga Filistio huli kan kadakul niyang rogaring na hayop asin mga sorogoon.

Genesis 31:1

Nadangog ni Jacob na ipinapamareta kan mga aking lalaki ni Laban na, “Kinua ni Jacob an gabos na sadiri kan samong ama. An gabos niyang yaman gikan sa sadiri kan samong ama.”

Mga Talinhaga 27:4

Makuri saka nakakatakot an kaanggotan, alagad siisay an makakatagal sa pag-imon?

Parahulit 1:14

Nahiling ko na an gabos na ginibo sa kinaban na ini, asin sinasabihan ko kamo; an gabos mayo nin halaga; garo saro sana iyan na paglamag sa doros.

Parahulit 1:17

Hiningowa kong saboton an kalaenan kan pakaaram asin kalolongan, kan kadonongan saka karungawan. Alagad nahiling ko na arog man giraray ini sa paglamag sa doros.

Parahulit 2:21

huli ta kun minsan, an gabos na ginibo na may kadonongan, pakasabot asin pakaaram, iwawalat man sana sa saro katawo na dai man nagpagal kaiyan. Ini mayo man nin halaga, asin sarong dakulang karatan.

Parahulit 2:26

An tawo na nakakapawili sa Dios tinatawan niya nin kadonongan, pakasabot asin kaogmahan; alagad an parakasala tinatawan niya kan trabaho nin pagtipon asin pagtambak nin kayamanan, tangani sanang itao iyan sa mga nawiwilihan nin Dios. Ini mayo nin halaga, asin garo sanang paglamag sa doros.

Parahulit 4:16

Maski dai mabilang an mga tawong nasasakopan kan hade, alagad pakagadan niya, dai siya pasasalamatan kan mga masurunod saiya. Ini mayo nin halaga asin garo man sanang paglamag sa doros.

Parahulit 6:11

Kun orog na haloy an diskutiran, orog na mayo iyan nin halaga, asin mayo nin pakinabang para sa tawo.

Parahulit 6:9

Ini mayo man nin halaga, asin garo sana paglamag sa doros. Mas marahay pang makontento ka kan yaon na saimo ki sa sarong bagay na danay pang minamawot.

Mateo 27:18

Huli ta aram ni Pilato na dinara ninda si Jesus saiya dahel sa pagkaori.

Mga Gibo 7:9

“Naori an ibang patriarka sa tugang nindang si Jose, kaya ipinabakal siya ninda sa mga taga Egipto. Alagad dai siya pinabayaan nin Dios;

Santiago 4:5

Dai kamo maghona na mayo nin halaga an kasuratan na nagsasabi, “Maimon an Dios manongod sa espiritu na itinao niya sato.”

1 Juan 3:12

Dai ta pag-arogon si Cain; sadiri siya kan Maraot, asin ginadan niya an saiyang tugang. Tadaw ta ginadan ni Cain an saiyang tugang na si Abel? Huli ta an mga gibo ni Cain maraot, alagad an mga gibo kan saiyang tugang matanos.