Parahulit 4:1 - Marahay na Bareta Biblia

¹ Dangan hiniling ko giraray an gabos na inhustisya na ginigibo sa kinaban. Nagtatangis an mga inaapi asin mayo nin minaranga sainda, huli ta an mga nag-api sainda iyo an igwa nin kapangyarihan.

Parahulit 4:1 ပူးပေါင်းရင်းမြစ်များ

An Libro ni Job 16:4

Makakataram man ako siring saindo, kun ako an nasa lugar nindo; pwede kong pagsugponon an mga tataramon laban saindo, asin magtango-tango kan sakong payo.

An Libro ni Job 35:9

“Huli sa pang-aapi, nag-aagrangay an mga tawo; naghahagad sinda nin tabang tanganing ikaligtas sa mapang-api.

An Libro ni Job 6:29

Nakikimaherak ako, magbago na kamo. Hare ako nindo pagkondenara. Nasa katanosan ako.

An Libro ni Job 9:24

An kinaban itinatao na nin Dios sa mga maraot. Binuta niya an gabos na hukom. Kun bako siya an naggibo kaiyan, siisay palan?

Salmo 12:5

“Madatong ako,” an sabi nin Kagurangnan, “huli ta an mga dukha nasasakitan, an mga nangangaipo nag-aagrangay. Tatawan ko sinda nin kaligtasan na saindang pinaglalaoman.”

Salmo 142:4

Nagkiling ako sa too ko, alagad mayo nin matabang sako. Mayo nin masurog sako, mayo nin nagmamakulog sako.

Salmo 142:5

Minaagrangay ako saimo, Kagurangnan; ika, Kagurangnan, an sakong pailihan, sakong kahirasan sa daga nin mga buhay.

Salmo 42:3

Sakong mga luha an sakuyang pagkakan sa aldaw asin sa banggi; mantang danay na minahapot sako an mga kaiwal, “Haen an saimong Dios?”

Salmo 42:9

Minasabi ako sa Dios, gapo kong panarigan, “Tadaw ta ako saimong linilingawan? Tadaw ta padagos akong nagtitios huli kan pang-aapi kan sakong kaiwal?”

Salmo 69:20

An puso ko naroronot kan mga pagduhagi, kaya ako nawawaraan nin paglaom. Hinanap ko an pagkaherak, alagad mayo lamang; an mga pararanga, alagad mayo man.

Salmo 69:21

Hudong an itinao ninda sako bilang kakanon; sa pagkapaha ko, suka an itinao nindang inomon.

Salmo 80:5

Pinakakan mo kami kan tinapay nin kamondoan; pinainom mo nin luha sa dakulang lalagan.

Exodo 1:16

“Kun kamo magpaaki sa mga babaeng Hebreyo, gadanon nindo an aki kun lalaki alagad pabayaan nindong mabuhay kun babae.”

Exodo 1:22

Kaya nagboot an hade sa mga Egipcio, “Itapok nindo sa Salog nin Nilo an lambang bagong mamundag na lalaki sa mga Hebreyo, alagad pabayaan nindong mabuhay an gabos na aking babae.”

Mga Talinhaga 19:7

An dukha ikinakaongis kan sadiri niyang mga tugang; kaya mayo siyang mga katood. Maski siya maghingowa, mayo siya nin makukuang katood.

Mga Talinhaga 28:3

An nag-aapi sa dukha garo makosog na doros na nagraraot sa mga tinanom.

Mga Talinhaga 29:2

Kun an matanos iyo an nagkakapot kan kapangyarihan, nag-oogma an banwaan; alagad kun an maraot iyo an namamayo, nag-aagrangay an katawohan.

Parahulit 3:16

Laen pa kaini, embes na hustisya an mahiling ko sa kinaban, nahiling ko an karatan; embes na katanosan, an karatan.

Parahulit 5:8

Dai ka magngalas kun mahiling mo na an mga dukha inaapi kan gobyerno asin isinasayuma sainda an katanosan saka an saindang deretso; huli ta an lambang opisyal dinedepensahan kan mas halangkaw saiya, asin sindang duwa dinedepensahan man kan mas halangkaw pa sainda.

Parahulit 7:7

Kun an sarong madonong nang-aapi sa iba, siya minagibo kan sa lolong. Kun an sarong tawo mag-ako nin suhol nagigin marompot an saiyang isip.

Parahulit 8:9

Nahiling ko ini gabos kan horophoropon ko an nangyari sa kinaban, saen an ibang tawo igwa nin kapangyarihan, mantang an iba minatios sa pananakop kan mga tawong iyan.

Isaias 5:7

An ubasan kan Kagurangnan nin mga hukbo iyo an banwaan nin Israel asin an kalalakihan nin Juda iyo an saiyang mga piling tinanom. Naghanap siya nin hustisya, alagad nahiling niya an panggagadan. Naghanap siya nin katanosan, alagad inagrangay para sa hustisya an saiyang nadangog!

Isaias 51:23

Itatao ko iyan sa mga tawong nag-api saindo, sa mga nagpahigda saindo sa tinampo asin nagtimaktimak saindo na garo ati kamo.”

Isaias 59:7

Danay kamong nagpaplano nin maraot; naghihidali kamo sa paggibo kaiyan. Dai lamang kamo nagduduwa-duwa sa paggadan kan mga mayong sala. Kapahamakan saka pagkagaba an nawawalat saen man kamo magduman,

Jeremias 16:7

Mayo na nin makakan o mainom na kahampang kan tawong nawaraan nin sarong namomotan sa buhay. Mayo na nin makikidamay maski sa sarong nagadanan nin ama o ina.

Mga Panambitan 1:16

“Huli kaini ako naghihibi; mga mata ko nagbubulos nin luha. Mayo nin minaranga sako; mayo nin pwedeng magpakosog kan boot ko. Nagmomondo an sakong kaakian huli ta nadaog ako kan kaiwal.

Mga Panambitan 1:17

“Iginawagaw ko an sakong mga kamot alagad mayo nin minatabang sako. Hale sa manlaen-laen na lugar inapod nin Kagurangnan an sakong mga kaiwal; an paghiling ninda sako sarong maati na bagay.

Mga Panambitan 1:2

Naghihibi siya bilog na banggi, mga luha nagbubulos sa saiyang pisngi. Sa kadakul na namomoot saiya, mayo na ni sarong minaranga; mga katood niya nagpasaluib saiya asin gabos nagin kaiwal niya.

Mga Panambitan 1:9

An saiyang ati madaling nahiling; alagad dai niya pinahalagahan an saiyang kataposan. Mangirhat an saiyang pagkarumpag; mayo nin pwedeng magranga saiya. Nanggana an saiyang mga kaiwal, asin naghahagad siya nin pagkaherak sa Kagurangnan.

Amos 3:10

Nagtataram an Kagurangnan, “Pinapano kan mga tawong ini an saindang mga harong nin mga bagay na nakua ninda sa paagi nin panghahabon saka dahas. Dai ninda aram kun paano an paggibo nin tama.

Amos 3:9

Ipahayag mo sa mga nag-eerok sa mga palasyo sa Egipto saka sa Asdod: “Magtiripon kamo sa kabubuldan sa palibot nin Samaria asin hilinga nindo an karibongan saka pang-aapi na ginigibo duman.”

Malakias 2:13

May saro pang bagay kamong ginigibo. An altar nin Kagurangnan linulunod nindo sa luha, sa paghibi asin pagtangis huli ta dai na niya inaako an mga dolot na dinadara nindo sa saiya.

Malakias 3:18

Mahihiling giraray kan sakong banwaan an kalaenan kan nangyayari sa mga matanos asin sa mga tampalasan, sa tawong naglilingkod sa sako saka sa dai.”

Malakias 3:5

Nagsasabi an Kagurangnan nin mga hukbo, “Madatong ako sa tahaw nindo sa paghukom, asin ako an masaksi laban sa mga parakulam, sa parasambay, sa mga nagsasaksi nin putik, sa mga nagdadaya kan bayad kan mga parapatandan, asin sa mga nang-aapi sa mga babaeng balo, mga ilo, asin mga dayuhan—sa gabos na dai minagalang sako.

Mateo 26:56

Alagad an gabos na ini nangyari nganing maotob an sinurat kan mga propeta.” Dangan binayaan siya kan gabos na disipulo asin nagdurulag.

Deuteronomio 28:33

Kukuahon nin sarong dayuhan na nasyon an gabos na bunga kan saindong daga asin kan saindong kapagalan; dangan padagos kamong aapihon asin pag-oorihan.

Deuteronomio 28:48

Huli kaiyan, paglilingkodan nindo an mga kaiwal na ipapadara saindo nin Kagurangnan. Magugutom kamo, mapapaha, magigin huba, asin magkukulang sa gabos na bagay; aapihon kamo nin makuri kan Kagurangnan sagkod na kamo magadan.

Santiago 5:4

Dai nindo binayadan an mga nagtatrabaho sa saindong mga oma. Dangoga nindo an saindang mga reklamo! An mga kinurahaw ninda nadangog nin Dios, an Kagurangnan nin mga hukbo.

Hukom 4:3

Si Jabin igwa nin nuebe syentos na karwaheng gibo sa lansang, asin sa laog nin beynteng taon, pinasakitan niya saka inapi an mga Israelita, kaya nag-agrangay sinda sa Kagurangnan tanganing tabangan.