Parahulit 3:7 - Marahay na Bareta Biblia

⁷ panahon nin paggisi, dangan panahon nin pagtahi; panahon nin pag-alo, dangan panahon nin pagtaram;

Parahulit 3:7 ပူးပေါင်းရင်းမြစ်များ

Genesis 37:29

Kan balikan ni Ruben an bubon asin nahiling na mayo na duman si Jose, ginisi niya an saiyang gubing sa kamondoan.

Genesis 37:34

Dangan ginisi ni Jacob an saiyang gubing sa kamondoan asin nagsulot siya nin sako; haloy niyang pinagmondoan an kagadanan kan saiyang aki.

Genesis 44:18

Nagdolok si Juda ki Jose asin nagsabi, “Kagurangnan, tugote akong magpaliwanag; dai ka maanggot sako huli ta garong ika man sana an hade.

Genesis 44:34

Huli ta paano ako makakapuli sa sakong ama kun dai ko kaiba an aki? Dai ko kayang hilingon an kamondoan na titioson kan sakong ama.”

2 Samuel 1:11

Sa kamondoan, ginisi ni David an saiyang gubing; siring man an ginibo kan saiyang mga tawohan.

2 Samuel 3:31

Dangan pinagbotan ni David si Joab asin an saiyang mga tawohan na gision an saindang mga gubing, magsulot nin sako, asin magtangis para ki Abner. Sa paglubong, nagsunod si Hadeng David sa kabaong.

1 Mga Hade 21:27

Kan madangog ni Ahab an mga sinabi ni Elias, ginisi niya an saiyang gubing saka nagsulot nin sako. Nag-ayuno siya, nagkatorog na sulot an sako asin naglakaw na mamondo nin makuri.

2 Mga Hade 18:36

Alagad nag-alo sana an mga tawo, siring sa pagboot sainda ni Hadeng Ezekias; ni sarong tataramon dai sinda nagsimbag.

2 Mga Hade 5:7

Kan mabasa kan hade nin Israel an surat, ginisi niya an saiyang gubing huli sa dakulang takot dangan nagsabi, “Tano ta pinaglalaoman ako kan hade nin Siria na bolongon an lalaking ini? Ano Dios ako na igwa nin kapangyarihan sa buhay asin sa kagadanan? Malinaw na naghahanap siya nin dahelan tanganing iwalon ako!”

2 Mga Hade 6:30

Kan madangog ini kan hade, ginisi niya an saiyang gubing. Naglalakaw siya kaidto sa gilid kan kudal, asin kan maghiling an mga tawo, nahiling ninda na nakasulot siya nin sako sa irarom kan saiyang gubing.

Esther 7:4

Ako asin an sakong mga kahimanwa ipinabakal tanganing gadanon. Kun kami ipinabakal sana nganing magin oripon, dai na ako naggirong, huli ta an samong kasakitan dai pwedeng ipantay sa kapurisawan kan hade; alagad madali na kaming gadanon—puhoon!”

An Libro ni Job 2:13

Dangan nagturukaw sinda sa kaibahan ni Job sa laog nin pitong aldaw asin banggi; dai sinda nagtaram nin anoman saiya, huli ta nahiling ninda na makuri an saiyang pagtios.

Salmo 39:2

Siring sa pola, ako nag-alo, nasayang an pagtoninong ko; nag-orog logod an kasakitan ko,

Parahulit 3:6

panahon nin paghahanap, saka panahon nin pagkakawara; panahon nin pagsaray, saka panahon nin pagtapok;

Isaias 36:21

Alagad nag-alo sana an mga tawo siring sa ipinagboot sainda ni Hadeng Ezekias; ni sarong tataramon dai sinda nagsimbag.

Jeremias 36:24

Alagad dai lamang natakot o nagpahiling nin anoman na tanda nin pagmondo an hade, ni an siisay man sa mga opisyal niya.

Jeremias 8:14

“Tadaw ta nagtutukaw kita asin dai naghihiro?” an hapot kan banwaan nin Dios. “Madya, magduruman kita sa pinapusog na mga syudad dangan duman kita magpagadan. Hinukoman na kita nin Kagurangnan na satong Dios tanganing magadan; itinao na niya an tubig na may hudong tanganing inomon nyato huli ta nagkasala kita saiya.

Mga Panambitan 3:28

Kun kita nagtitios, dapat na solo sana, kitang magtukaw asin dai maggirong.

Joel 2:13

Magbakle kamo nin tudok sa saindong puso, asin bakong huli sa paggisi kan saindong gubing.” Magbalik kamo sa Kagurangnan na saindong Dios. Mahuyo siya asin maheherakon; matinios siya saka nag-ootob kan saiyang mga panuga; danay siyang andam sa pagpatawad asin bakong sa pagpadusa.

Amos 5:13

Kaya an dai paggirong sa siring karaot na mga panahon iyo an pinakamarahay na gibohon!

Amos 8:3

Sa aldaw na iyan, an mga awit sa laog kan palasyo magigin agrangay nin kamondoan. Magkakaigwa nin mga bangkay sa gabos na lugar; itatapok sinda sa luwas na mayo sana nin ribok.”

Mikas 7:5

Dai ka magtubod sa saimong kataed ni manarig sa saimong katood. Mag-ingat ka sa sinasabi mo sa saimong agom.

Mga Gibo 4:20

Huli ta dai pwedeng dai nyamo ipahayag an mga nahiling mi mismo saka nadangog.”

Mga Gibo 9:39

Kaya nag-iba sainda si Pedro. Pag-abot niya, dinara siya duman sa kwarto sa itaas. Tiniriponan siya kan gabos na babaeng balo na nagtatarangis; ipinahiling ninda saiya an mga bado asin mga alikboy na ginibo ni Dorcas kan buhay pa ini.

1 Samuel 10:16

“Sinabihan niya kaming nakua na an mga hayop,” an simbag ni Saul. Alagad dai siya nagsambit kan sinabi ni Samuel dapit sa saiyang pagigin hade.