Parahulit 3:5 - Marahay na Bareta Biblia

⁵ panahon nin pagtapok nin mga gapo, asin panahon nin pagtipon kan mga iyan; panahon nin pagkukugosan, asin panahon sa pag-ontok sa pagkukugosan;

Parahulit 3:5 ပူးပေါင်းရင်းမြစ်များ

2 Mga Hade 3:25

saka ginaba an mga syudad ninda. Tinapokan nin gapo kan lambang Israelita an lambang oma sagkod na matambonan ini. Tinahoban ninda an lambang burabod nin tubig asin pinutol an gabos na kahoy na nagbubunga. Rinaot ninda an Moab sagkod na an pangenot na syudad na sana nin Kir-hareset an natada. Pinalibotan ini saka sinalakay kan mga paralagpitaw na Israelita.

Exodo 19:15

Sinabihan sinda ni Moises, “Magin andam kamo sa ikatolong aldaw; mayo ngona nin magdorog.”

Parahulit 3:4

panahon nin pagtangis, dangan panahon nin pagngisi; panahon nin pagmondo, dangan panahon nin pagsayaw;

Parahulit 3:6

panahon nin paghahanap, saka panahon nin pagkakawara; panahon nin pagsaray, saka panahon nin pagtapok;

Joel 2:16

Tipona an mga tawo; andama sinda sa sarong banal na pagtiripon; tipona an mga gurang, kaakian asin an mga pasosong omboy. Maski an mga bago pa sanang kasalon kaipuhan na magluwas sa saindang kwarto dangan magduman.

1 Corinto 7:5

Dai nindo ipagsayuma an saindong hawak sa saindong agom, pwera sana kun nagkaoyon kamong duwa na dai ngona magdorog sa halipot na panahon, tanganing gamiton nindo an panahon na iyan sa pagpamibi. Pakatapos, ibalik nindo giraray an normal na relasyon bilang mag-agom, ta tibaad sogotan kamo ni Satanas huli sa dai nindo pakapugol sa sadiri.

Josue 10:27

Pagsolnop kan aldaw nagboot si Josue, asin an saindang mga bangkay ibinaba sa nabibitayan dangan itinapok sa lungib na pinagtagoan ninda. Binurugtakan nin darakulang gapo an laogan kan lungib asin sagkod ngunyan yaon pa an mga gapo.