Parahulit 3:4 - Marahay na Bareta Biblia

⁴ panahon nin pagtangis, dangan panahon nin pagngisi; panahon nin pagmondo, dangan panahon nin pagsayaw;

Parahulit 3:4 ပူးပေါင်းရင်းမြစ်များ

Genesis 21:6

Nagsabi si Sara, “An Dios nagdara sako nin ngingisihan saka kaogmahan; asin an siisay man na makadangog kaini mangisi kaiba ko.”

2 Samuel 6:16

Mantang dinadara palaog sa syudad an Kaban nin Tipan, nagdungaw sa bintana si Mical na aking babae ni Saul asin nahiling niya si Hadeng David na nagsasayaw saka naglulukso sa atubangan nin Kagurangnan; nauyam si Mical ki Hadeng David.

Salmo 30:11

An sakong kamondoan sinanglean mo nin pagsayaw; hinale mo an sakong pagmondo asin hinagkosan mo ako nin kaogmahan.

Salmo 30:5

Minaagi sana an saiyang kaanggotan, alagad an saiyang karahayan sagkod lamang. Pwedeng magbulos an luha sa pagkabanggi, alagad an kaogmahan minadatong sa pagkaaga.

Exodo 15:20

Si Miriam, an propetang tugang ni Aaron, nagkua kan saiyang tamborin, dangan nagsurunod saiya an gabos na kababaehan na nagtutugtog kan saindang mga tamborin asin nagsasayaw.

Parahulit 3:5

panahon nin pagtapok nin mga gapo, asin panahon nin pagtipon kan mga iyan; panahon nin pagkukugosan, asin panahon sa pag-ontok sa pagkukugosan;

Parahulit 7:14

Mag-ogma ka sa mga aldaw nin kauswagan, asin sa mga aldaw nin kasakitan, giromdoma na an Dios nagpapadara nin kaogmahan siring na nagpapadara siya nin kasakitan. Dai mo nanggad maaraman kun ano an sunod na maabot saimo.

Isaias 40:1

“Rangaha nindo an sakong banwaan,” an sinasabi kan satong Dios. “Rangaha nindo sinda!

Isaias 40:2

Pakosoga nindo an boot kan mga tawo sa Jerusalem. Sabihi nindo sinda na natapos na an saindang pagtios asin pinatawad na an saindang mga kasalan. Pinadusahan ko na sinda nin doble para sa gabos nindang kasalan.”

Mateo 11:17

‘Tinugtogan mi kamo, alagad dai kamo nagsayaw! Nanambitan kami alagad dai kamo nagtangis!’

Mateo 9:15

Nagsimbag si Jesus, “Magmomondo daw an mga bisita sa kinasal mantang kaiba pa ninda an nobyo? Alagad maabot an panahon na an nobyo hahaleon sa kaibahan ninda, dangan na sinda mag-aayuno!

Lukas 1:58

Nabaretaan kan saiyang mga kataed asin mga kadugo an dakulang balaog na iwinaras saiya nin Kagurangnan asin nag-ogma sinda sa kaibahan niya.

Roma 12:15

Mag-ogma kamo kaiba kan mga nag-oogma; maghibi kamo kaiba kan mga naghihibi.

2 Corinto 7:10

Huli ta an kamondoan na ginagamit nin Dios nagbubunga nin pagsolsol na minadara sa kaligtasan—iyan dai dapat pagbasolan! Alagad an kamondoan na itinatao kan kinaban nagdadara nin kagadanan.

Santiago 4:9

Magmondo kamo, maghibi saka maghaya; maghibi kamo embes na magngisi, magmondo embes na mag-ogma.