Parahulit 3:3 - Marahay na Bareta Biblia

³ panahon nin paggadan, saka panahon nin pagpaomay; panahon nin pagrumpag, saka panahon nin pagtugdok;

Parahulit 3:3 ပူးပေါင်းရင်းမြစ်များ

Genesis 9:6

An tawo ginibo sa ladawan nin Dios, kaya an siisay man na gumadan sa kapwa niya tawo, gagadanon man kan saiyang kapwa.

Isaias 44:26

Alagad kun minahula an sakong sorogoon, kun minasubol ako nin sugo nganing ipahayag an sakong plano an mga plano saka mga hula na iyan ginigibo kong magkatotoo. Sinasabihan ko an Jerusalem na mag-eerok giraray duman an mga tawo, asin an mga syudad nin Juda, na hihirahayon sinda. An mga syudad na iyan hihirahayon giraray.

Isaias 6:10

Pahiboga an puso kan banwaan na ini, pagabata an talinga ninda, asin taklobi an mga mata ninda, ta tibaad makahiling sinda asin makadangog patin makasabot dangan magbalik sako saka magpabolong.”

Jeremias 1:10

Itinatao ko saimo ngunyan an kapangyarihan sa mga nasyon saka sa mga kahadean, sa paggabot saka sa pagraot, sa paggaba saka sa paglaglag, asin sa pagtugdok patin sa pagtanom.”

Jeremias 31:28

Kun paano ako nagin maingat kan sinda sakong gaboton, gabaon, pabagsakon, raoton saka pahaleon, maingat ko man sindang itatanom saka papatindogon.

Jeremias 33:6

Alagad bobolongon ko an syudad na ini asin an mga tawo digdi. Itatao ko giraray sainda an marahay na hawak. Papahilingan ko sinda nin nagsusupay na katoninongan saka katiwasayan.

Jeremias 45:4

“Alagad ako, an Kagurangnan, an naggagaba kan sakong itinugdok saka naggagabot kan sakong itinanom. Gigibohon ko ini sa bilog na daga.

Ezekiel 13:14

Rurumpagon ko an kudal na tinapalan nindo nin karboro, tanganing mahiling an mga pundasyon. Marurumpag iyan asin magagadan kamo gabos. Dangan maaaraman nindo na ako an Kagurangnan.

Hageo 1:2

An Kagurangnan nin mga hukbo nagsabi ki Hageo, “An mga tawong ini nagsasabi na bako pa ini an tamang panahon sa paghirahay kan Templo.”

Hageo 1:4

“Banwaan ko, tano ta nag-eerok kamo sa marahay na pagkatugdok na mga harong mantang raot an sakong Templo?

Zacarias 1:12

Dangan nagtaram an anghel, “O Kagurangnan nin mga hukbo, setentang taon na ngunyan na naaanggot ka sa Jerusalem saka sa mga syudad nin Juda. Sagkod nuarin pa kaya bago mo ipahiling sainda an pagkaherak?”

Deuteronomio 32:39

“‘Ako, asin ako sana, an Dios; mayo na nin ibang totoong dios. Nakakagadan ako saka nakakabuhay; nakakalugad saka nakakapaomay, asin mayong makakaolang sa gigibohon ko.

1 Samuel 2:25

Kun magkasala an sarong tawo sa saiyang kapwa, pwede pa siyang surogon nin Dios; alagad siisay an makakasurog sa sarong tawong nagkasala sa Kagurangnan?” Alagad dai ninda dinangog an saindang ama; huli ta kabotan nin Kagurangnan na gadanon sinda.

1 Samuel 2:6

An Kagurangnan an minagadan asin minabuhay liwat; isinosobol niya an mga tawo sa Sheol asin binubuhay giraray.