Parahulit 3:22 - Marahay na Bareta Biblia

²² Kaya nahiling ko na mayo nin marahay para sa tawo kundi an mag-ogma sa saiyang trabaho, huli ta iyan an saiyang palad. Mayo kita nin paagi tanganing maaraman ta an mangyayari pakatapos na kita magadan.

Parahulit 3:22 ပူးပေါင်းရင်းမြစ်များ

An Libro ni Job 14:21

Iginagalang an mga aki niyang lalaki, alagad dai niya iyan aram, ni may magsabi saiya kun sinda nasosopgan.

Parahulit 10:14

An lolong taram sanang taram. Mayong nakakaaram kun ano an sunod na mangyayari, asin mayong makakataram kun ano an mangyayari sato pakatapos na kita magadan.

Parahulit 11:9

Mga hoben, ipag-ogma nindo an saindong pagkanihoben; mag-ogma kamo mantang kamo aki pa. Giboha an boot nindo asin sunoda an kamawotan kan saindong puso. Alagad giromdomon nindo na huhukoman kamo nin Dios sa gabos nindong gibo.

Parahulit 2:18

Ikinaongis ko an gabos kong trabaho sa kinaban, huli ta aram kong iwawalat ko iyan sa masunod sako,

Parahulit 2:24

Mayo nin marahay para sa sarong tawo kundi an magkakan asin mag-inom patin mag-ogma sa saiyang pinagalan. Alagad nahiling ko na maski ini gikan man sa kamot nin Dios;

Parahulit 6:12

Siisay an nakakaaram kun ano an marahay para sa tawo digdi sa halipot saka mayo nin halagang buhay—sarong buhay na minaagi sana siring sa sarong anino? Siisay an makakasabi kun ano an mangyayari sa kinaban pagkatapos na magadan siya?

Parahulit 7:14

Mag-ogma ka sa mga aldaw nin kauswagan, asin sa mga aldaw nin kasakitan, giromdoma na an Dios nagpapadara nin kaogmahan siring na nagpapadara siya nin kasakitan. Dai mo nanggad maaraman kun ano an sunod na maabot saimo.

Parahulit 8:15

Kaya napatotoohan ko sa sadiri ko na an tawo dapat na maghanap nin kaogmahan, huli ta an marahay saiya sa buhay na ini iyo an pagkakan saka pag-inom asin pagpaogma sa sadiri. Ini magigibo niya mantang nagpapagal siya sa buhay na itinao saiya nin Dios sa kinaban na ini.

Parahulit 8:7

Mayo satong nakakaaram kun ano an mangyayari, asin mayong mataram sato.

Parahulit 9:12

Dai aram kan tawo an saiyang panahon. Siring na an sira nadadakop sa hikot, siring na an gamgam nadadakop sa litag, siring man an tawo nadadakop sa mga maraot na panahon, kun kasuarin dai ninda pinaglalaoman.

Parahulit 9:6

Kaiba nindang nagadan an saindang pagkamoot, an saindang pagkaongis asin pagkaori. Mayo na sinda nin kahirasan sa mga nangyayari sa kinaban.

Daniel 12:13

“Ika, Daniel, magin maimbod ka sagkod sa kataposan. Magagadan ka, alagad mabangon ka tanganing akoon an balos sa kataposan kan panahon.”

Mateo 6:34

Dai kamo maghadit dapit sa masunod na aldaw; huli ta igwa man iyan nin sadiring kahaditan. Tama na an mga problema para sa ngunyan na aldaw.

Deuteronomio 12:18

Alagad kakakanon nindo iyan asin kan saindong mga aki, kaiba an saindong mga oripon saka an mga Levita na nag-eerok sa saindong mga banwaan, duman nanggad sana sa atubang nin Kagurangnan na saindong Dios, sa lugar na saiyang pinili. Duman mag-oogma kamo, huli kan gabos na saindong naginibo.

Deuteronomio 12:7

Duman, sa atubang nin Kagurangnan na saindong Dios, makakan kamo saka an saindong mga pamilya, asin ipag-oogma nindo an gabos na naginibo nindo na benendisyonan nin Kagurangnan na saindong Dios.

Deuteronomio 28:47

Benendisyonan kamo nin Kagurangnan sa gabos na bagay, alagad dai kamo naglingkod saiya sa maogma asin magayagayang puso.