Parahulit 3:20 - Marahay na Bareta Biblia

²⁰ Pareho man an saindang padudumanan—gikan sinda sa alpog asin sa alpog sinda mabalik.

Parahulit 3:20 ပူးပေါင်းရင်းမြစ်များ

Genesis 25:17

Nagadan si Ismael sa edad na syento treynta y syeteng taon.

Genesis 3:19

Magpapatagdo ka nin ganot tanganing mapabunga nin anoman an daga, sagkod na ika magadan. Ginibo ka sa kabokabo nin daga kaya sa kabokabo ka mabalik.”

An Libro ni Job 14:10

Alagad nagagadan an tawo, asin iyan na an saiyang kataposan; nagagadan siya, dangan haen na siya?

An Libro ni Job 14:14

Kun magadan an sarong tawo, mabubuhay pa daw siya giraray? Alagad hahalaton ko an mas marahay na mga aldaw; hahalaton kong matapos ining panahon nin kasakitan.

An Libro ni Job 17:13

An natatada kong paglaom iyo an kinaban kan mga gadan, saen mahigda ako sa pagkatorog sa kadikloman.

An Libro ni Job 30:24

Alagad, an yaon sa tambak nin mga gaba dai daw maitaas kan saiyang kamot, asin sa saiyang kasakitan maghagad nin tabang?

An Libro ni Job 34:15

magagadan an gabos na nabubuhay asin mabalik sa alpog na saiyang pinaghalean.

An Libro ni Job 7:9

Siring na napapara asin nawawara na panganoron, an tawo nagagadan asin dai na nanggad minabalik;

Salmo 103:14

Aram niya kun hale sa ano kita ginibo; romdom niya na kita mga kabokabo.

Salmo 104:29

Kun minatalikod ka, nahahandal sinda; kun hinahale mo an saindang hinangos, nagagadan sinda asin minabalik sa alpog na saindang ginikanan.

Salmo 49:14

Arog kan mga karnero, magagadan man sinda; an Kagadanan iyo an saindang magigin pastor. Dadaogon sinda kan mga matanos, mantang an saindang mga hawak naglalapa sa lugar nin mga gadan, harayo sa saindang mga harong!

Parahulit 12:7

An satong hawak mabalik sa alpog kan daga, asin an hinangos nin buhay mabalik sa Dios, na iyo an nagtao kaiyan sato.

Parahulit 3:21

Siisay an nakakaaram kun an espiritu nin tawo minapaitaas asin an espiritu kan hayop minapairarom sa daga?

Parahulit 6:6

orog pa ki sa tawo na dai man lamang nakakamate kan kaogmahan nin buhay, maski mabuhay pa siya nin duwang ribong taon. Huli ta sindang duwa maduman sa pareho man sanang lugar.

Parahulit 7:2

Mas marahay an magduman sa harong na igwa nin pagmondo ki sa harong na igwa nin bangkete, huli ta an nabubuhay dapat na magromdom na naghahalat sato gabos an kagadanan.

Parahulit 9:10

Sa bilog mong makakaya, gibohon mo an anoman na trabaho, huli ta mayo nin anoman na trabaho, kaisipan, pakaaram o kadonongan sa kinaban kan mga gadan, an lugar na saimong padudumanan.

Daniel 12:2

Mabubuhay giraray an kadaklan sa mga gadan na; an nagkapira mabubuhay sagkod pa man, mantang an iba magtitios nin daing kataposan na kasosopgan.

Mga Bilang 27:13

Pakatapos mong mahiling iyan, magagadan ka siring kan saimong tugang na si Aaron,