Parahulit 3:16 - Marahay na Bareta Biblia

¹⁶ Laen pa kaini, embes na hustisya an mahiling ko sa kinaban, nahiling ko an karatan; embes na katanosan, an karatan.

Parahulit 3:16 ပူးပေါင်းရင်းမြစ်များ

Parahulit 4:1

Dangan hiniling ko giraray an gabos na inhustisya na ginigibo sa kinaban. Nagtatangis an mga inaapi asin mayo nin minaranga sainda, huli ta an mga nag-api sainda iyo an igwa nin kapangyarihan.

Parahulit 5:7

Maski gurano kadakul kan saimong pangatorogan asin kan saimong mga tataramon, kaipuhan galangan mo an Dios.

Parahulit 5:8

Dai ka magngalas kun mahiling mo na an mga dukha inaapi kan gobyerno asin isinasayuma sainda an katanosan saka an saindang deretso; huli ta an lambang opisyal dinedepensahan kan mas halangkaw saiya, asin sindang duwa dinedepensahan man kan mas halangkaw pa sainda.

Parahulit 8:9

Nahiling ko ini gabos kan horophoropon ko an nangyari sa kinaban, saen an ibang tawo igwa nin kapangyarihan, mantang an iba minatios sa pananakop kan mga tawong iyan.

Isaias 59:14

Inaalaw an hustisya, asin dai nakakadolok an katanosan. An katotoohan napapadungkal sa plasa, asin dai nakakakua nin lugar duman an pagkaonesto.

Mikas 2:2

Kun mawot ninda an kaomahan, inaagaw ninda iyan; kun mga harong an mawot ninda, kinukua ninda iyan. Bako nang ligtas an pamilya o pagsadiri nin sarong tawo.

Mikas 7:3

Gabos sinda eksperto sa paggibo kan maraot. An mga opisyal saka mga hukom naghahagad nin suhol. Sinasabihan sinda kan mapangyaring tawo kan saiyang kamawotan, asin tarabang sindang minagibo nin plano.

Sofonias 3:3

An mga opisyal niya arog sa nag-uungal na mga leon; an saiyang mga hukom arog sa paslong mga lobo, na minaubos sagkod kan tolang bago mag-abot an aga.

Mateo 26:59

An mga poon na padi asin an bilog na Konseho naghanap nin ikakasumbong tumang ki Jesus tanganing ipagadan siya.

Mga Gibo 23:3

Nagtaram si Pablo saiya, “Papadusahan ka nin Dios—ika na pinaputing kudal! Nagtutukaw ka sa paghukom sosog sa Katogonan, alagad linalapas mo an Katogonan kan magboot ka na ipasuntok ako.”

Santiago 2:6

Alagad dai nindo ginagalangan an mga dukha! Siisay an nag-aapi saindo saka minaguyod saindo sa atubangan nin mga hukom? Bakong an mga mayaman?