Parahulit 3:12 - Marahay na Bareta Biblia

¹² Aram ko na mayo nin ibang marahay para sato kundi an mag-ogma saka maggayagaya mantang buhay pa kita.

Parahulit 3:12 ပူးပေါင်းရင်းမြစ်များ

Salmo 37:3

Magsarig ka sa Kagurangnan asin maggibo nin matanos; tanganing mag-erok ka sa daga, asin magin ligtas.

Parahulit 11:9

Mga hoben, ipag-ogma nindo an saindong pagkanihoben; mag-ogma kamo mantang kamo aki pa. Giboha an boot nindo asin sunoda an kamawotan kan saindong puso. Alagad giromdomon nindo na huhukoman kamo nin Dios sa gabos nindong gibo.

Parahulit 2:24

Mayo nin marahay para sa sarong tawo kundi an magkakan asin mag-inom patin mag-ogma sa saiyang pinagalan. Alagad nahiling ko na maski ini gikan man sa kamot nin Dios;

Parahulit 2:3

Sa maigot kong pagmawot na makamtan an kadonongan, nag-isip akong paogmahon an sakong hawak sa paagi nin arak asin nin kalolongan. Nagsaboot ako na tibaad iyo ini an pinakamarahay na paagi sa paggamit nin tawo kan halipot niyang buhay sa daga.

Parahulit 3:22

Kaya nahiling ko na mayo nin marahay para sa tawo kundi an mag-ogma sa saiyang trabaho, huli ta iyan an saiyang palad. Mayo kita nin paagi tanganing maaraman ta an mangyayari pakatapos na kita magadan.

Parahulit 8:15

Kaya napatotoohan ko sa sadiri ko na an tawo dapat na maghanap nin kaogmahan, huli ta an marahay saiya sa buhay na ini iyo an pagkakan saka pag-inom asin pagpaogma sa sadiri. Ini magigibo niya mantang nagpapagal siya sa buhay na itinao saiya nin Dios sa kinaban na ini.

Isaias 64:5

Inaako mo an mga tawong nakakakua nin kaogmahan sa paggibo kan tama, sa mga naggigiromdom kun paano mo boot sindang mamuhay. Naanggot ka samo, alagad nagpadagos kami sa pagkakasala; poon pa kaidtong panahon nagpadagos kami sa paggibo kan maraot maski anggot ka nin marahay.

Lukas 11:41

Kaya itao nindo sa mga dukha an mga nasa laog kan mga tasa saka mga plato nindo, asin an gabos magigin malinig para saindo.

Mga Gibo 20:35

Ipinahiling ko saindo sa gabos na bagay, na sa paagi nin pagtrabaho nin maigot, dapat na tabangan ta an mga maluluya, asin giromdomon an mga tataramon na sinabi kan Kagurangnan na Jesus, ‘Mas paladan an nagtatao ki kan nag-aako.’”

Deuteronomio 12:18

Alagad kakakanon nindo iyan asin kan saindong mga aki, kaiba an saindong mga oripon saka an mga Levita na nag-eerok sa saindong mga banwaan, duman nanggad sana sa atubang nin Kagurangnan na saindong Dios, sa lugar na saiyang pinili. Duman mag-oogma kamo, huli kan gabos na saindong naginibo.

Deuteronomio 12:7

Duman, sa atubang nin Kagurangnan na saindong Dios, makakan kamo saka an saindong mga pamilya, asin ipag-oogma nindo an gabos na naginibo nindo na benendisyonan nin Kagurangnan na saindong Dios.

Deuteronomio 26:11

Magpasalamat kamo sa Kagurangnan na saindong Dios huli sa mga karahayan na itinao niya saindo asin sa saindong pamilya; magselebrar kamo kaiba an mga Levita sagkod an mga dayuhan na nakikihimanwa saindo.

Deuteronomio 28:63

Kun gurano nagin maogma an Kagurangnan sa pagpauswag asin pagpadakul saindo, siring man an saiyang magigin kaogmahan sa pagraot saka pagtunaw saindo; gagaboton niya kamo duman sa daga na saindong lalaogon dangan sasadirihon.

1 Timoteo 6:18

Pagbotan mo sinda na magin marahay, magin mayaman sa marahay na mga gibo, magin matinao saka matinabang.