Parahulit 3:11 - Marahay na Bareta Biblia

¹¹ An gabos na bagay tinawan nin talaan na panahon. Itinao niya sato an kamawotan para sa maabot na panahon, alagad dai niya kita tinatawan kan bilog na pakasabot kan saiyang ginibo poon sa kapinonan sagkod sa kataposan.

Parahulit 3:11 ပူးပေါင်းရင်းမြစ်များ

Genesis 1:31

Nahiling nin Dios na an gabos niyang ginibo orog karahay. Nag-aga dangan naghapon–iyo idto an ikaanom na aldaw.

An Libro ni Job 11:7

“Maaaraman mo daw an mga kasagkoran saka mga kairaroman kan kadakulaan asin kapangyarihan nin Dios?

An Libro ni Job 37:23

Dakula nin marahay an kapangyarihan nin Dios, kaya dai kita nakakadolok saiya; matanos siya asin maimbod sa pagtratar kan katawohan.

An Libro ni Job 5:9

Siya an naggigibo nin darakula saka dai malaladop na mga bagay; makangangalas na mga bagay na dai mabibilang:

Salmo 104:24

Kagurangnan, kadakul an saimong mga gibo! Sa kadonongan, iyan gabos ginibo mo! An daga pano kan saimong mga linalang.

Mga Talinhaga 16:4

An gabos na ginibo nin Kagurangnan igwa nin katuyohan; asin an kataposan kan maraot iyo an kapahamakan.

Parahulit 1:13

Hiningowa kong siyasaton asin adalan an gabos na bagay na ginigibo sa kinaban na ini. Mamondong palad an itinao nin Dios sa sato.

Parahulit 11:5

Dai mo masasabotan an ginigibo nin Dios na naglalang kan gabos, siring na dai mo masasabotan an pagpoon nin buhay kan sarong aki sa tulak nin sarong babae.

Parahulit 7:13

Horophoropa an gibo nin Dios; siisay an makakatanos kan tiniko nin Dios?

Parahulit 7:23

An gabos na ini binalo ko kan sakong kadonongan. Nagsabi ako, “Magigin madonong ako;” alagad dai ko iyan nakamtan.

Parahulit 7:29

Ini sana an sakong nanodan: an tawo linalang na matanos nin Dios, alagad naghanap siya nin dakul na kapurisawan sa buhay.

Parahulit 8:17

dai nanggad niya masasabotan an ginigibo nin Dios. Maski gurano niyang paghingowa, dai nanggad niya masasabotan. An madonong na tawo pwedeng magsabing nakakasabot siya, alagad dai nanggad!

Mateo 11:27

“Itinao sako kan sakong Ama an gabos na bagay. Mayong nakakamidbid sa Aki kundi an Ama sana; mayo man nin nakakamidbid sa Ama kundi an Aki sana, asin an boot kan Aki na pahayagan.

Mateo 13:22

An mga banhing nakasabwag sa lugar na matonok garo idtong mga tawo na nagdadangog kan tataramon, alagad an tataramon pinopoot kan mga kahaditan sa buhay na ini asin kan pagkamoot sa kayamanan, kaya dai nagbubunga.

Markos 7:37

Nagngalas an gabos na nakadangog, “Marahay an paggibo niya kan gabos; maski an mga bongog pinadangog niya asin an mga pola pinataram niya,” an sabi ninda.

Roma 1:28

Huli ta habo sindang magmidbid sa Dios, pinabayaan na niya sinda sa mga maaati nindang kaisipan, saka sa mga sala nindang gibo.

Roma 11:33

O an kararoman kan mga kayamanan nin kadonongan asin kaaraman nin Dios! Dai matugkad an saiyang mga kaisipan asin dai masabotan an saiyang mga palakaw!

Deuteronomio 32:4

“An Kagurangnan an saindong paraligtas, sa gabos niyang gibo, matanos asin mayong kakulangan. Dios na maimbod asin mayong karatan; matanos siya asin banal.