Parahulit 2:8 - Marahay na Bareta Biblia

⁸ Nagkaigwa man ako nin dakul na plata saka bulawan hale sa mga probinsya na pinaghadean ko. Mga lalaki saka mga babae an nag-awit sa pagpaogma sako; nagkaigwa man ako nin dakul na babae na mawiwilihan nanggad nin siisay man na lalaki.

Parahulit 2:8 ပူးပေါင်းရင်းမြစ်များ

2 Samuel 19:35

Otsentang taon na ako, asin mayo na akong nawiwilihan. Dai ko na nananamitan an sakong kinakakan o iniinom; dai ko na nadadangog an mga tingog nin mga paraawit. Magigin pagabat sana ako sa mahal na Hade.

1 Mga Hade 10:10

Itinao niya ki Hadeng Solomon an mga regalong dara niya: sobra sa kwatro mil na kilo nin bulawan asin dakul na pahamot saka mga mahalagang bato. An halaga kan mga pahamot na itinao niya ki Solomon iyo an pinakadakul sa mga inako na ni Solomon. (

1 Mga Hade 10:14

Taon-taon, haros beynte y tres mil na kilo nin bulawan an nag-abot ki Hadeng Solomon,

1 Mga Hade 10:21

Bulawan an gabos na inoman na kalis ni Hadeng Solomon asin purong bulawan man an gabos na kagamitan sa Sala kan Kadlagan nin Lebanon. Mayong platang ginamit huli ta ibinilang ini na mayo nin halaga sa panahon ni Solomon.

1 Mga Hade 11:3

Igwa si Solomon nin syete syentos na agom na mga prinsesa, asin tres syentos na kasaroan; pinaharayo ninda sa Dios an puso ni Solomon.

1 Mga Hade 14:27

Rinibayan ini ni Hadeng Rehoboam nin mga kalasag na bronse asin pinaingatan sa mga opisyal na nagbabantay kan mga trangkahan kan palasyo.

1 Mga Hade 9:14

Sobra sa apat na ribong kilo nin bulawan an ipinadara ni Hiram ki Solomon.

1 Mga Hade 9:28

Nagduruman sinda sa daga nin Ofir, dangan nagbaralik na igwa nin darang sobra sa katorse mil kilos na bulawan; dinara ninda ini ki Solomon.

1 Mga Cronica 25:1

Pinili ni David asin kan mga lider kan mga Levita an mga Levitang kamaganakan ni Asaf, ni Heman, saka ni Jedutun, tanganing mangenot sa mga gawe nin pagsamba. Sinda an mapahayag kan mga mensahe nin Dios, na sinasabayan kan musika nin mga arpa asin mga gimbal. Iyo ini an lista kan mga tawong pinili na mangenot sa pagsamba, asin an trabaho na gigibohon kan saindang grupo:

1 Mga Cronica 25:6

Sinda gabos nasa irarom kan pamamahala kan saindang ama sa pagtugtog nin mga gimbal, asin mga arpa, tanganing sabayan nin musika an pagsamba sa Templo. Si Asaf, si Jedutun, saka si Heman nasa irarom kan pagboot kan hade.

2 Mga Cronica 9:11

An mga kahoy na algum ginamit ni Hadeng Solomon sa paggibo kan mga hagdan kan Templo asin kan saiyang palasyo; ini man an ginamit niya sa paggibo nin mga lira saka mga arpa para sa mga paraawit. Mayo pang nahiling na arog kaini sa daga nin Juda.)

Esdras 2:65

Dai digdi kabilang an saindang mga sorogoon na lalaki saka babae na an bilang uminabot sa syete mil, tres syentos treynta y syete; asin igwa pa nin dos syentos na parakantang lalaki saka babae.

Parahulit 1:2

Mayong halaga an buhay, an sabi kan Parahulit. Mayo nin halaga an gabos na bagay. An buhay mayo nin halaga! Mayo nin halaga an gabos.

Daniel 3:15

Ngunyan pagkadangog nindo kan tanog kan trompeta, plawta, lira, gimbal, arpa, asin kan gabos na instrumento, magduko kamo asin magsamba sa estatwa. Kun dai kamo magsamba, itatapok kamo tolos sa nagkakalayong horno. Sa paghona nindo igwa nin dios na maligtas saindo?”

Daniel 3:5

Madadangog nindo an tanog nin mga trompeta, mga plawta, lira, gimbal, asin arpa, patin nin iba pang mga instrumento. Sa pagpoon kan tugtog, kaipuhan magduruko kamo sa pagsamba kan estatwang bulawan na ipinagibo ni Hadeng Nebukadnezzar.

Daniel 3:7

Kaya kan madangog ninda an tanog kan trompeta, plawta, lira, gimbal, arpa, asin kan iba pang mga instrumento, nagduruko dangan nagsaramba sinda sa estatwang bulawan na ipinagibo ni Hadeng Nebukadnezzar.

Amos 6:5

Nawiwili kamong maggibo nin mga awit, arog ki David, dangan tinutugtog nindo iyan sa saindong mga arpa.