Parahulit 2:7 - Marahay na Bareta Biblia

⁷ Nagbakal ako nin mga oripon na lalaki saka babae, asin igwa nin mga oripon na namundag sa laog kan sakong harong. Nasadirihan ko an dakul na hayop, na mas dakul ki sa mga pagsadiri kan mga naenot sa sakong naghade sa Jerusalem.

Parahulit 2:7 ပူးပေါင်းရင်းမြစ်များ

Genesis 13:2

Mayaman nang marahay si Abram huli ta kadakul na kan saiyang mga hayop, plata asin bulawan.

Genesis 14:14

Kan madangog ni Abram na binihag si Lot, inapod niya an gabos niyang tawohan sa kampo, mga tres syentos dyes y otso gabos, asin linamag ninda an apat na hade sagkod sa Dan.

Genesis 15:3

Dai mo ako tinawan nin aki, asin sarong oripon na namundag sa sakong harong an sakong magigin eredero.”

1 Mga Hade 4:23

sampolong pinatabang baka, beynteng baka hale sa pasabsaban, asin sanggatos na karnero, laen pa kan mga usang darakula asin saradit, mga kanding, asin mga manok na matataba.

2 Mga Hade 3:4

Si Mesa na hade nin Moab sarong paraataman nin mga karnero, asin taon-taon nagbubuhis siya sa hade nin Israel nin syen mil na kordero asin balukag nin syen mil na karnero.

2 Mga Cronica 26:10

Nagtugdok pa siya nin mga tore sa kalangtadan asin nagkalot nin dakul na bubon huli ta dakul an saiyang mga baka duman sa Sefela asin sa kapatagan. Huli ta namotan niya an pag-oma, sinadol niya an mga tawo na magtanom nin mga ubas sa kabubuldan asin magtrabaho sa matubang na daga.

Esdras 2:55

Mga kamaganakan kan mga sorogoon ni Solomon na nagbalik hale sa pagkatapokan: Sotai, Hassoferet, Peruda, Jaala, Darkon, Giddel, Sefatias, Hattil, Pokeret-hazzebaim, asin Ami.

Esdras 2:58

Tres syentos nubenta y dos an bilang kan mga kapagarakian nin mga trabahador sa Templo asin kan mga sorogoon ni Solomon na nagbalik hale sa pagkatapokan.

Nehemias 7:57

Mga kamaganakan kan mga sorogoon ni Solomon na nagbalik hale sa pagkatapokan: Sotai, Soferet, Perida, Jaala, Darkon, Giddel, Sefatias, Hattil, Pokeret-hazzebaim, asin Amon.

An Libro ni Job 1:3

asin pitong ribong karnero, tolong ribong kamelyo, sangribong baka saka limang gatos na asno. Igwa man siya nin dakul na sorogoon; kaya siya an pinakamayaman na lalaki sa Sirangan.

An Libro ni Job 42:12

Benendisyonan nin Kagurangnan an huring kabtang kan buhay ni Job orog pa ki sa naenot. Nagkaigwa si Job nin katorse mil na karnero, seis mil na kamelyo, duwang ribong baka asin sangribong asno.

Lukas 12:45

Alagad kun an sorogoon na iyan magsaboot na haloy pa bago magbalik an saiyang kagurangnan asin poonan niyang kulogan an kapwa niya sorogoon na lalaki asin babae, dangan magkakan siya saka magburat—