Parahulit 2:23 - Marahay na Bareta Biblia

²³ Huli ta an gabos niyang aldaw pano nin kasakitan, asin kulog nin boot; maski sa banggi daing pahingalo an saiyang isip. Ini mayo man nin halaga.

Parahulit 2:23 ပူးပေါင်းရင်းမြစ်များ

Genesis 3:17

Pakatapos, tinaraman niya si Adan, “Huli ta dinangog mo an saimong agom asin nagkakan ka kan bunga na dai ko saimo ipinapakakan, isinusumpa ko an daga huli saimo. Kaipuhan na maglapigot ka sa pagtrabaho sa bilog mong buhay tanganing magkaigwa ka nin pagkakan.

Genesis 47:9

Nagsimbag si Jacob, “An mga taon nin sakong pakikihimanwa uminabot na sa syento treynta. Kadikit asin masakit an mga taon na iyan, bakong arog kan halawig na panahon nin pakikihimanwa kan sakong mga ginikanan.”

Esther 6:1

Kan bangging idto dai nangangatorog an hade, kaya ipinakua niya an opisyal na talaan kan imperyo dangan ipinabasa idto mantang nagdadangog siya.

An Libro ni Job 14:1

“Gabos kita namundag na maluya asin makaheherak; halipot an mga aldaw kan satong buhay, asin pano nin kasakitan.

An Libro ni Job 5:7

An tawo man sana an nagdadara nin kasakitan sa sadiri niya, siring na an mga manok-manok minaitaas hale sa kalayo.

Salmo 127:2

Masasayang an pagbangon nin amay asin an pagkatorog na matanga nang marahay sa paghanap nin ikabubuhay; huli ta tinatawan nin Kagurangnan an saiyang mga namomotan, maski sinda nagkakatorog.

Salmo 32:4

Aldaw-banggi mo akong pinadusahan, Kagurangnan; an sakong kosog naalang siring sa ambon na pinamara kan init nin aldaw.

Salmo 90:15

Tawe kami nin kaogmahan na katimbang kan kamondoan na itinao mo samo, kan mga taon nin samuyang kasakitan.

Parahulit 1:13

Hiningowa kong siyasaton asin adalan an gabos na bagay na ginigibo sa kinaban na ini. Mamondong palad an itinao nin Dios sa sato.

Parahulit 1:18

Kun mas madonong ka, mas dakul man an saimong kahaditan; kun mas dakul an saimong naaaraman, mas dakul man an saimong kamondoan.

Parahulit 2:11

Dangan pinaghorophorop ko an gabos kong ginibo asin an kapagalan sa paggibo kaiyan. Namidbid ko na gabos mayo nin halaga, asin garo sanang paglamag sa doros; mayo lamang nin pakinabang.

Parahulit 5:12

An sarong trabahador marahay an torog, dikit man o dakul an saiyang kakanon; alagad an dakul na pagsadiri kan mayaman iyo an minapurisaw sa saiyang pagkatorog.

Parahulit 5:17

An bilog niyang aldaw ipinapamuhay niya sa kadikloman, sa kamondoan, sa kahandalan, sa kaanggotan, asin sa kahelangan.

Parahulit 8:16

Kan hiningowa kong magin madonong asin masabotan an nangyayari sa kinaban, nasabotan kong maski aldaw-bangging dai magtorog an tawo,

Daniel 6:18

Pakatapos, nagpuli sa saiyang palasyo an hade asin dai ini nakatorog sa bilog na mag-aga; dai man siya nagkakan o nag-ogma.

Mga Gibo 14:22

Pinakosog ninda an boot kan mga paratubod asin sinadol na magdanay sa pagtubod. Sinabihan pa ninda an mga parasunod, “Kaipuhan mag-agi kita nin dakul na kasakitan bago makalaog sa Kahadean nin Dios.”