Parahulit 2:22 - Marahay na Bareta Biblia

²² Ano an makukua nin tawo sa pagtrabaho asin pagpagal sa kinaban?

Parahulit 2:22 ပူးပေါင်းရင်းမြစ်များ

Salmo 127:2

Masasayang an pagbangon nin amay asin an pagkatorog na matanga nang marahay sa paghanap nin ikabubuhay; huli ta tinatawan nin Kagurangnan an saiyang mga namomotan, maski sinda nagkakatorog.

Mga Talinhaga 16:26

An gana sa pagkakan an orog na nakakapahigos sa sarong trabahador, huli ta boot niyang mabolong an saiyang gutom.

Parahulit 1:3

Ano an napapakinabang nin tawo sa gabos niyang ginigibo sa kinaban?

Parahulit 2:11

Dangan pinaghorophorop ko an gabos kong ginibo asin an kapagalan sa paggibo kaiyan. Namidbid ko na gabos mayo nin halaga, asin garo sanang paglamag sa doros; mayo lamang nin pakinabang.

Parahulit 3:9

Ano an pakinabang na makukua kan tawo sa saiyang pagpagal?

Parahulit 4:6

Pwedeng tama iyan. Alagad mas marahay na igwa ka nin kadikit na nasasaray, na may katoninongan sa isip, ki sa padagos kang magpagal na garo man sanang paglamag sa doros.

Parahulit 4:8

An sarong tawo na nabubuhay na solo-solo, mayo nin aki o tugang, alagad mayong kataposan an pagtrabaho niya, asin an saiyang mata nakukulangan pa kan saiyang kayamanan. Para kiisay an saiyang pagpagal saka pagsayuma niya nin kaogmahan sa sadiri? Ini man mayo nin halaga asin sarong mamondong kamugtakan.

Parahulit 5:17

An bilog niyang aldaw ipinapamuhay niya sa kadikloman, sa kamondoan, sa kahandalan, sa kaanggotan, asin sa kahelangan.

Parahulit 8:15

Kaya napatotoohan ko sa sadiri ko na an tawo dapat na maghanap nin kaogmahan, huli ta an marahay saiya sa buhay na ini iyo an pagkakan saka pag-inom asin pagpaogma sa sadiri. Ini magigibo niya mantang nagpapagal siya sa buhay na itinao saiya nin Dios sa kinaban na ini.

Mateo 16:26

Huli ta anong pakinabang nin sarong tawo, makamtan man niya an bilog na kinaban kun mawara an saiyang buhay? O ano an ikakatubos kan tawo tanganing makamtan niya giraray iyan?

Mateo 6:11

Itao mo samuya an samong kakanon sa aroaldaw.

Mateo 6:25

“Kaya sinasabihan ko kamo, dai kamo mahadit dapit sa pagbuhay nindo, kun ano an kakakanon o iinomon o kun ano an gugubingon. Bakong mas mahalaga an buhay ki sa kakanon; an hawak ki sa gubing?

Mateo 6:34

Dai kamo maghadit dapit sa masunod na aldaw; huli ta igwa man iyan nin sadiring kahaditan. Tama na an mga problema para sa ngunyan na aldaw.

Lukas 12:22

Dangan sinabihan ni Jesus an mga disipulo niya, “Kaya sinasabihan ko kamo, na dai kamo mahadit dapit kan buhay nindo, kun ano an saindong kakakanon o gugubingon.

Lukas 12:29

Kaya dai kamo mahadit o maghanap kan saindong kakakanon o iinomon.

1 Corinto 16:16

na sunodon nindo an mga tawong arog sainda asin an gabos na nagtatabang patin nagtatrabaho kaiba ninda.

Filipos 4:6

Dai kamo maghadit dapit sa anoman, kundi hagadon nindo sa Dios an saindong kaipuhan, sa paagi nin pamibi na may pagpasalamat.

1 Timoteo 6:8

Kun igwa kita nin kakanon saka gubing, tama na iyan sato.

1 Pedro 5:7

Idusay nindo sa Dios an gabos nindong kahaditan, huli ta nagmamakulog siya saindo.