Parahulit 2:17 - Marahay na Bareta Biblia

¹⁷ Kaya ikinaongis ko an buhay, huli ta gabos kasakitan an dinara sako kaini. An gabos mayo nin halaga, asin garo sanang paglamag sa doros.

Parahulit 2:17 ပူးပေါင်းရင်းမြစ်များ

1 Mga Hade 19:4

dangan bilog na aldaw siyang naglakaw pasiring sa kalangtadan. Nag-ontok siya sa sarong kahoy, nagtukaw sa sirong kaini saka nagmawot na magadan. “Tama na Kagurangnan,” an pamibi niya. “Kuahon mo na ako; mas marahay pa sako an magadan!”

An Libro ni Job 14:13

“Marahay pang tagoon mo ako sa kinaban kan mga gadan; nakatago sagkod na mawara an saimong kaanggotan, dangan giromdomon mo sa talaan na panahon.

Salmo 89:47

Giromdoma kun gurano kahalipot an sakuyang buhay; giromdoma na linalang mo kami gabos na may kagadanan!

Parahulit 1:14

Nahiling ko na an gabos na ginibo sa kinaban na ini, asin sinasabihan ko kamo; an gabos mayo nin halaga; garo saro sana iyan na paglamag sa doros.

Parahulit 1:17

Hiningowa kong saboton an kalaenan kan pakaaram asin kalolongan, kan kadonongan saka karungawan. Alagad nahiling ko na arog man giraray ini sa paglamag sa doros.

Parahulit 2:11

Dangan pinaghorophorop ko an gabos kong ginibo asin an kapagalan sa paggibo kaiyan. Namidbid ko na gabos mayo nin halaga, asin garo sanang paglamag sa doros; mayo lamang nin pakinabang.

Parahulit 2:22

Ano an makukua nin tawo sa pagtrabaho asin pagpagal sa kinaban?

Parahulit 3:16

Laen pa kaini, embes na hustisya an mahiling ko sa kinaban, nahiling ko an karatan; embes na katanosan, an karatan.

Parahulit 4:2

Naghona ako na orog na paladan an mga gadan na ki sa mga buhay pa;

Parahulit 4:3

alagad orog na paladan ki sa duwang ini an mga dai pa namundag saka dai pa nakahiling kan mga karatan na ginigibo sa kinaban.

Parahulit 6:9

Ini mayo man nin halaga, asin garo sana paglamag sa doros. Mas marahay pang makontento ka kan yaon na saimo ki sa sarong bagay na danay pang minamawot.

Ezekiel 3:14

Makosog na nag-abot sakuya an kapangyarihan nin Kagurangnan asin dinara ako kan saiyang espiritu. Mantang dinadara ako, namatean ko an kapaitan nin boot asin kaaanggotan.

Jonas 4:3

Kaya ngunyan, Kagurangnan, tugote akong magadan. Mas marahay pang magadan na ako ki sa mabuhay.”

Jonas 4:8

Pagsirang kan aldaw, ipinadara nin Dios an sarong mainit na doros hale sa sirangan, asin huli sa init kan aldaw na minatama sa payo ni Jonas, haros madismayo siya. Kaya minawot niyang magadan. Nagsabi siya, “Mas marahay pa sako an magadan ki sa mabuhay.”

Habakkuk 1:3

Tano ta itinutugot mong mahiling ko an mga kasakitan na ini? Paano mo natatagalan an pagmasid sa mga salang gibong ini? Nasa palibot ko an karatan saka kadahasan; an pagralaban saka pag-iriwal yaon sa gabos na lugar.

Mga Bilang 11:15

Kun iyan an gigibohon mo, maherak ka sako asin gadanon mo na ako tanganing dai na ako magtios kan saimong pasakit.”