Parahulit 2:16 - Marahay na Bareta Biblia

¹⁶ Mayo nin nakakagiromdom sa mga madonong, asin siring man sa mga lolong. Sa maabot na mga aldaw, an gabos malilingawan. An gabos magagadan, madonong man o lolong!

Parahulit 2:16 ပူးပေါင်းရင်းမြစ်များ

2 Samuel 3:33

Dangan inawit ni David an panambitan na ini para ki Abner: “Tadaw ta kaipuhan na magadan si Abner siring sa sarong lolong?

Salmo 103:16

dangan inaagihan nin doros asin nawawara, dai na giraray nahihiling.

Salmo 49:10

Mahihiling niya na maski an madonong na tawo nagagadan, siring man an mga lolong asin mga mangmang. Iwawalat ninda an saindang kayamanan sa saindang kapagarakian.

Salmo 88:12

Midbid daw sa lugar nin kadikloman an saimong ngangalasan, o sa daga nin mga nalingawan an saimong kaligtasan?

Exodo 1:6

Dangan nagadan si Jose, an saiyang mga tugang asin an gabos na henerasyon na idto.

Exodo 1:8

Dangan nagkaigwa an Egipto nin bagong hade na dai midbid si Jose.

Mga Talinhaga 14:8

Tano ta madonong an may isip na tawo? Huli ta aram niya kun ano an saiyang gigibohon. Tano ta lolong an mangmang na tawo? Huli ta naghohona siya na igwa siya nin naaaraman.

Parahulit 1:11

Mayo nin nakakagiromdom kan mga nangyari na, asin an mga mangyayari poon ngunyan dai man magigiromdoman ngapit.

Parahulit 2:14

An madonong nakakahiling kan saiyang padudumanan, alagad an lolong naglalakaw sa kadikloman. Alagad aram kong saro sana an aabotan ninda gabos.

Parahulit 2:15

Dangan nagsaboot ako, “An nangyari sa lolong mangyayari man sako, kaya ano an nakua ko sa pagigin madonong?” Sinimbag ko an sadiri ko na ini mayo man nin halaga.

Parahulit 6:8

Paano magigin orog na paladan an tawong madonong ki sa tawong lolong? Ano an pakinabang nin sarong dukha maski masabotan pa niya kun paano an pag-atubang sa buhay?

Parahulit 7:2

Mas marahay an magduman sa harong na igwa nin pagmondo ki sa harong na igwa nin bangkete, huli ta an nabubuhay dapat na magromdom na naghahalat sato gabos an kagadanan.

Parahulit 8:10

Dangan nahiling ko an ilinubong na mga tampalasan. Laog-luwas sinda kaidto sa banal na lugar, asin inomaw sa mga syudad saen naggibo sinda nin karatan. Ini mayo man nin halaga.

Parahulit 9:15

Igwang nag-erok duman na sarong dukha alagad madonong na lalaki, na pwede kutanang magligtas kan syudad. Alagad mayo man lamang nin nakagiromdom saiya.

Parahulit 9:5

Aram kan mga buhay na sinda magagadan, alagad an mga gadan mayo nin naaaraman. Dai na sinda magkakaigwa nin premyo; padagos na sindang malilingawan.

Malakias 3:16

Dangan nag-orolay an mga tawong natatakot sa Kagurangnan, asin hininanyog sinda nin marahay kan Kagurangnan. An saindang mga sinabi dinangog niya man. Sa atubangan niya, isinurat sa sarong libro an ngaran kan mga natatakot sa Kagurangnan asin minagalang saiya.

Hebreyo 9:27

Itinalaan na sarong beses sana magadan an lambang tawo, dangan an paghukom.