Parahulit 2:13 - Marahay na Bareta Biblia

¹³ Dangan namidbid ko na an Kadonongan mas marahay ki sa kalolongan, siring na an liwanag mas marahay ki sa kadikloman.

Parahulit 2:13 ပူးပေါင်းရင်းမြစ်များ

Salmo 119:105

Ilaw para sa mga bitis ko an saimong tataramon, asin sarong liwanag para sa sakong agihan.

Salmo 119:130

An paliwanag kan saimong mga tataramon minatao nin liwanag; nagdadara iyan nin kadonongan sa mga mangmang.

Mga Talinhaga 14:8

Tano ta madonong an may isip na tawo? Huli ta aram niya kun ano an saiyang gigibohon. Tano ta lolong an mangmang na tawo? Huli ta naghohona siya na igwa siya nin naaaraman.

Mga Talinhaga 16:16

Orog karahay an pakakua nin kadonongan saka pakaaram ki sa bulawan saka plata.

Parahulit 10:10

Kun bakong matarom an saimong patok asin dai mo iyan taison, kaipuhan dugangan mo an saimong kosog kun ginagamit iyan. An kadonongan nakakatabang sa pag-uswag.

Parahulit 11:7

Magayon an liwanag asin nakakawili an paghiling kan aldaw.

Parahulit 7:19

An kadonongan nagtatao nin kosog sa sarong tawo orog pa ki sa magigibo nin sampolong pamayo para sa sarong syudad.

Parahulit 9:16

Danay kong sinasabi na an kadonongan marahay ki sa kosog, alagad mayo nin naghohona na an sarong dukha madonong o mayo nin nagdadangog kun siya nagtataram.

Parahulit 9:18

Mas marahay an kadonongan ki sa mga armas nin gera, alagad an sarong parakasala nagraraot nin dakul na karahayan.

Malakias 3:18

Mahihiling giraray kan sakong banwaan an kalaenan kan nangyayari sa mga matanos asin sa mga tampalasan, sa tawong naglilingkod sa sako saka sa dai.”

Mateo 6:23

Alagad, kun malabog an saindong mga mata, an hawak nindo mapapano nin kadikloman. Kaya kun an ilaw na yaon saindo kadikloman, orog nanggad an kadikloman!

Efeso 5:8

Kaidto nasa kadikloman kamo, alagad poon na magin sadiri kamo nin Kagurangnan, nasa liwanag na kamo. Kaya maglakaw kamo siring sa mga aki nin liwanag,