Parahulit 2:11 - Marahay na Bareta Biblia

¹¹ Dangan pinaghorophorop ko an gabos kong ginibo asin an kapagalan sa paggibo kaiyan. Namidbid ko na gabos mayo nin halaga, asin garo sanang paglamag sa doros; mayo lamang nin pakinabang.

Parahulit 2:11 ပူးပေါင်းရင်းမြစ်များ

Genesis 1:31

Nahiling nin Dios na an gabos niyang ginibo orog karahay. Nag-aga dangan naghapon–iyo idto an ikaanom na aldaw.

Salmo 89:47

Giromdoma kun gurano kahalipot an sakuyang buhay; giromdoma na linalang mo kami gabos na may kagadanan!

Exodo 39:43

Siniyasat ni Moises an gabos nindang ginibo dangan benendisyonan kan mahiling na nahaman an gabos sosog sa ipinagboot nin Kagurangnan.

Parahulit 1:14

Nahiling ko na an gabos na ginibo sa kinaban na ini, asin sinasabihan ko kamo; an gabos mayo nin halaga; garo saro sana iyan na paglamag sa doros.

Parahulit 1:17

Hiningowa kong saboton an kalaenan kan pakaaram asin kalolongan, kan kadonongan saka karungawan. Alagad nahiling ko na arog man giraray ini sa paglamag sa doros.

Parahulit 1:3

Ano an napapakinabang nin tawo sa gabos niyang ginigibo sa kinaban?

Parahulit 3:9

Ano an pakinabang na makukua kan tawo sa saiyang pagpagal?

Parahulit 5:10

An namomoot sa kwarta, dai nanggad makokontento kaiyan. An namomoot sa kayamanan padagos na magpaparahanap kaiyan. Ini mayo man nin halaga.

Parahulit 5:16

Ini saro man na karatan! An tawo minahale siring kan saiyang pag-abot. Anong pakinabang an saiyang pagtrabaho, na arog man sana sa paglamag kan doros?

Habakkuk 2:13

Nagparagal sa mayong kamugtakan na trabaho an mga nasyon na sinakop nindo; an gabos nindang pinatindog nagkakasurulo man sana. An Kagurangnan nin mga hukbo iyo an kaggibo kaini.

1 Timoteo 6:6

Kun iisipon, pinapayaman kan relihiyon an tawo, kun siya kontento kan anoman na yaon saiya.