Parahulit 2:1 - Marahay na Bareta Biblia

¹ Hiningowa kong paogmahon an sakong sadiri asin aramon kun ano an kaogmahan, alagad namidbid ko na ini mayo man nin halaga.

Parahulit 2:1 ပူးပေါင်းရင်းမြစ်များ

Genesis 11:7

Magduman kita asin ribongon ta an saindang lengwahe tanganing dai na sinda magkasinarabotan.”

2 Mga Hade 5:5

Nagsabi an hade, “Magduman ka sa hade nin Israel asin darahon mo saiya an surat na ini.” Kaya nagduman si Naaman; igwa siya nin darang treynta mil na pedaso nin plata, seis mil na pedaso nin bulawan, asin sampolong magayon na gubing.

Salmo 10:6

Nasa boot niya, “Mayong makakahiro sako; dai ako mamumugtak sa kapahamakan.”

Salmo 14:1

An lolong nagsasabi sa saiyang puso, “Mayo man nin Dios!” Sinda gabos marompot asin naggigibo nin mga maraot, mayong natada maski saro na naggigibo nin matanos.

Salmo 27:8

Kan ika magtaram, “Madya, sambahon mo ako.” Nagsimbag an puso ko, “Kagurangnan, madolok ako.”

Mga Talinhaga 14:13

Pwedeng tahoban nin maogmang lalawogon an kamondoan. Alagad kun tapos na an kaogmahan yaon man giraray iyan.

Parahulit 11:9

Mga hoben, ipag-ogma nindo an saindong pagkanihoben; mag-ogma kamo mantang kamo aki pa. Giboha an boot nindo asin sunoda an kamawotan kan saindong puso. Alagad giromdomon nindo na huhukoman kamo nin Dios sa gabos nindong gibo.

Parahulit 2:10

Nakamtan ko an anoman na minawot ko. Dai ko isinayuma sa sadiri ko an anoman na kaogmahan. Ipinag-orgulyo ko an gabos na ginibo ko, asin ini an premyo kan gabos kong ginibo.

Parahulit 2:15

Dangan nagsaboot ako, “An nangyari sa lolong mangyayari man sako, kaya ano an nakua ko sa pagigin madonong?” Sinimbag ko an sadiri ko na ini mayo man nin halaga.

Parahulit 2:25

huli ta kun siblag saiya, siisay an pwedeng magkakan o mag-ogma?

Parahulit 7:4

An tawong danay na nag-iisip dapit sa kaogmahan sarong lolong; an madonong na tawo nag-iisip dapit sa kagadanan.

Parahulit 8:15

Kaya napatotoohan ko sa sadiri ko na an tawo dapat na maghanap nin kaogmahan, huli ta an marahay saiya sa buhay na ini iyo an pagkakan saka pag-inom asin pagpaogma sa sadiri. Ini magigibo niya mantang nagpapagal siya sa buhay na itinao saiya nin Dios sa kinaban na ini.

Isaias 5:5

“Ini an gigibohon ko sa sakong ubasan: Hahaleon ko an kudal sa palibot kaiyan, asin papabayaan kong kakanon iyan saka timaktimakan kan mga lalaw na hayop.

Isaias 50:11

Kamo gabos na nagpaplano nin karatan para sa iba mapapahamak kan saindo man sanang plano. An Kagurangnan mismo an magibo kaiyan; magtitios kamo nin makuring kasakitan.

Isaias 50:5

An Kagurangnan Dios an nagtao sako nin pakasabot, asin dai ako nagrerebelde o nagtalikod sa saiya.

Lukas 12:19

Dangan masabi ako, Paladan ako! Igwa na ako kan gabos kong kaipuhan para sa halawig na panahon. Magpapahayahay na sana ako, magkakakan, mag-iinom saka mag-oogma!’

Lukas 16:19

“Igwa kaidto nin sarong mayaman. Mga mamahalon an gubing niya asin masisiram an mga kinakakan aroaldaw.

Lukas 16:23

Kan nasasakitan na an mayaman duman sa Hades, nagtangad siya asin nahiling niya sa harayo si Abraham saka si Lazaro sa kataed kaini.

Tito 3:3

Huli ta kaidto mga lolong kita, mga masombikal, mga lagalag asin mga oripon kan manlaen-laen na kinabanon na kamawotan asin kawilihan. Namuhay kita kaidto na may maraot na boot asin pagkaara; ikinaongis kita kan ibang mga tawo saka ikinaongis ta man sinda.

Santiago 4:13

Hinanyoga nindo ako, kamong mga nagsasabi, “Ngunyan na aldaw o sa aga, maduman kami sa siring na syudad; duman magnenegosyo kami sa laog nin sarong taon saka mapayaman kami.”

Santiago 5:1

Hinanyoga nindo ako, mga mayaman! Magtangis saka maghaya kamo sa mga kasakitan na madatong saindo!

Santiago 5:5

An saindong buhay digdi sa daga gabos sana sa luho dangan kaogmahan. Nagpataba kamo para sa aldaw kan pagbuno.