Parahulit 12:5 - Marahay na Bareta Biblia

⁵ Matatakot kamo sa halangkaw na mga lugar, asin magigin makatatakot saindo an paglakaw. Magigin puti an saindong buhok asin magigin dipisil saindo maski an paghiro-hiro; dangan mawawara an gabos nindong pagmawot. Kita gabos maduman sa huring lugar na pahingaloan, dangan malibot sa mga tinampo an mga paramondo.

Parahulit 12:5 ပူးပေါင်းရင်းမြစ်များ

Genesis 42:38

Alagad nagsimbag si Jacob, “Dai nindo pwedeng ipag-iba an aki ko; huli ta gadan na an tugang niya asin siya na sana an natatada. Tibaad may mangyari saiya sa dalan. Gurang na ako asin an kamondoan na dadarahon nindo sako iyo an magadan sako.”

Genesis 44:29

Kun darahon pa nindo an sarong ini ngunyan dangan may maraot na mangyari saiya, an kamondoan na dadarahon nindo sako iyo an magadan sako, orog pa na gurang na ako nin marahay.’

An Libro ni Job 15:10

Nanodan mi an samong kadonongan sa mga gurang— mga tawong namundag bago an saimong ama.

An Libro ni Job 17:13

An natatada kong paglaom iyo an kinaban kan mga gadan, saen mahigda ako sa pagkatorog sa kadikloman.

An Libro ni Job 30:23

Aram kong dadarahon mo ako sa sakong kagadanan, an huring padudumanan kan gabos na nabubuhay.

Salmo 71:18

Ngunyan na ako gurang saka ubanon na, O Dios, dai mo ako pagbayaan, sagkod na ikabalangibog ko an saimong kapangyarihan sa gabos na maabot na kapagarakian.

Mga Talinhaga 16:31

An halawig na buhay iyo an balos sa matanos; an mga puting buhok korona nin kamurawayan.

Mga Talinhaga 20:29

An kamurawayan kan mga hoben iyo an saindang kosog, alagad an kagayonan kan mga gurang iyo an saindang puting buhok.

Parahulit 9:10

Sa bilog mong makakaya, gibohon mo an anoman na trabaho, huli ta mayo nin anoman na trabaho, kaisipan, pakaaram o kadonongan sa kinaban kan mga gadan, an lugar na saimong padudumanan.

Isaias 46:4

Ako an saindong Dios asin aatamanon ko kamo sagkod na kamo maggurang saka magputi an saindong buhok. Ako an naggibo saindo asin ako an maataman saindo; tatabangan ko kamo asin ililigtas ko kamo.

Jeremias 1:11

Hinapot ako nin Kagurangnan, “Jeremias, ano an nahihiling mo?” Nagsimbag ako, “Sarong sanga nin almendras.”

Jeremias 9:16

Iwawarak ko sinda sa mga nasyon na dai pa lamang ninda nadangog, ni kan saindang mga ginikanan. Mapadara ako nin mga hukbo na masalakay sainda sagkod na maubos ko sinda.”

Levitico 19:32

“Galangan nindo an mga gurang na asin omawon nindo sinda. Magkaigwa kamo nin pagkatakot sa sako. Ako an Kagurangnan.

Hebreyo 9:27

Itinalaan na sarong beses sana magadan an lambang tawo, dangan an paghukom.