Parahulit 12:4 - Marahay na Bareta Biblia

⁴ An saindong mga talinga magigin bongog sa ribok sa tinampo. Dai nindo madadangog nin marahay an tanog kan gilingan o an tono nin sarong awit; alagad magigimata kamo sa saindong pagkatorog maski huli kan awit nin sarong gamgam.

Parahulit 12:4 ပူးပေါင်းရင်းမြစ်များ

2 Samuel 19:35

Otsentang taon na ako, asin mayo na akong nawiwilihan. Dai ko na nananamitan an sakong kinakakan o iniinom; dai ko na nadadangog an mga tingog nin mga paraawit. Magigin pagabat sana ako sa mahal na Hade.

An Libro ni Job 41:14

Siisay an makakapabuka kan saiyang mga salang, na napapalibotan nin makangingirhat na mga ngipon?

Isaias 47:2

Patalibonga an gilingan! Paggiling nin arina! Halea an saimong belo! Hubaa an magayon mong gubing! Itaasan an gayad kan saimong gubing sa pagbalyo mo nin mga salog.

Jeremias 25:10

Paparaon ko sa sainda an mga tingog nin kaogmahan asin kagayagayahan, an maogmang tingog kan mga bagong kasal, an paggiling nin trigo, asin an liwanag kan ilaw.

Kapahayagan 18:22

Dai na madadangog diyan saimo an tugtog kan mga arpista, mga paraawit, mga paraplawta saka mga paratrompeta! Mayo na nin makukuang trabahador para sa anoman na klaseng trabaho diyan saimo; mayo nang tanog nin gilingan na madadangog!