Parahulit 12:13 - Marahay na Bareta Biblia

¹³ Pakatapos kaini, saro na sana an dapat itaram: Matakot ka sa Dios, asin otobon mo an saiyang mga togon, huli ta iyo iyan an katongdan nin tawo.

Parahulit 12:13 ပူးပေါင်းရင်းမြစ်များ

Genesis 22:12

“Dai mo pagkulogan an aki o paggibohan nin ano man,” an sabi kan anghel. “Ngunyan, aram ko nang igwa kang pagkatakot sa Dios, huli ta dai mo isinayuma an saimong bugtong na aki kan hagadon ko siya saimo.”

1 Mga Hade 2:3

Giboha an anoman na ipagboot saimo nin Kagurangnan na saimong Dios. Kuyogon mo an gabos niyang togon asin pagboot, siring sa nasusurat sa Togon ni Moises, tanganing minsan saen ka man magduman mag-uswag ka sa gabos mong gibo.

An Libro ni Job 28:28

“Sinabihan nin Dios an mga tawo, ‘Uya, an pagkaigwa nin takot sa Kagurangnan iyo an kadonongan. An pagtalikod sa karatan iyo an pakasabot.’”

Salmo 111:10

An pagkatakot sa Kagurangnan iyo an kapinonan nin kadonongan; igwa nin marahay na pakasabot an mga naggigibo kaiyan. An saiyang kaomawan magdadanay sagkod pa man!

Salmo 145:19

Itinatao niya an kamawotan kan mga natatakot saiya; dinadangog niya an agrangay ninda asin iliniligtas niya.

Salmo 147:11

kundi nawiwilihan nin Kagurangnan an mga may pagkatakot saiya, an mga minasarig sa danay niyang pagkamoot.

Mga Talinhaga 1:7

An pagkatakot sa Kagurangnan iyo an kapinonan nin pakaaram; an kadonongan asin katukdoan mayo nin halaga para sa mga lolong.

Mga Talinhaga 19:23

Matakot ka sa Kagurangnan asin mabubuhay ka sa halawig na panahon, na pano nin kapahingaloan saka ligtas sa kapahamakan.

Mga Talinhaga 23:17

Dai ka maori sa mga parakasala, kundi matakot ka sa Kagurangnan sagkod na ika nabubuhay.

Parahulit 2:3

Sa maigot kong pagmawot na makamtan an kadonongan, nag-isip akong paogmahon an sakong hawak sa paagi nin arak asin nin kalolongan. Nagsaboot ako na tibaad iyo ini an pinakamarahay na paagi sa paggamit nin tawo kan halipot niyang buhay sa daga.

Parahulit 3:14

Aram kong nagdadanay sagkod pa man an gabos na ginibo nin Dios; dai iyan madudugangan o maiinaan. Ginibo niya iyan tanganing sa atubang niya magkatarakot an mga tawo.

Parahulit 5:7

Maski gurano kadakul kan saimong pangatorogan asin kan saimong mga tataramon, kaipuhan galangan mo an Dios.

Parahulit 6:12

Siisay an nakakaaram kun ano an marahay para sa tawo digdi sa halipot saka mayo nin halagang buhay—sarong buhay na minaagi sana siring sa sarong anino? Siisay an makakasabi kun ano an mangyayari sa kinaban pagkatapos na magadan siya?

Parahulit 7:18

Likayan mo an duwang kasobrahan na ini. Kun may pagkatakot ka sa Dios, magigin mauswag ka.

Parahulit 8:12

An sarong parakasala pwedeng gumibo nin ginatos na karatan, asin padagos pang mabuhay. Aram ko kun ano an saindang sinasabi: “Kun kuyogon nindo an Dios, an gabos magigin marahay,

Parahulit 8:5

An minakuyog kan kabotan kan hade dai namumugtak sa pag-alaman; an sarong madonong na tawo nakakaaram kan paagi asin kun nuarin gibohon iyan.

Mikas 6:8

Dai, sinabihan na kita nin Kagurangnan kun ano an marahay. An hinahagad niya sato iyo ini: an paggibo kan matanos, an danay na mamoot, asin an mamuhay na mapakumbaba sa kaibahan nin satong Dios.

Lukas 1:50

An saiyang pagkaherak yaon sa may pagkatakot saiya, sa gabos na henerasyon.

Deuteronomio 10:12

“Banwaan nin Israel, dangoga nindo ngunyan an kahagadan saindo nin Kagurangnan na saindong Dios; magkaigwa kamo nin pagkatakot saiya asin otobon nindo an saiyang mga pagboot. Kamotan nindo an Kagurangnan saka paglingkodan nindo siya sa bilog nindong puso,

Deuteronomio 10:20

Matakot kamo sa Kagurangnan na saindong Dios asin siya sana an saindong pagsambahon. Magmaimbod kamo saiya asin magsumpa kamo sa saiya sanang ngaran.

Deuteronomio 4:10

an manongod sa aldaw na nagtindog kamo sa atubang nin Kagurangnan na saindong Dios duman sa Bukid nin Sinai, kan siya magtaram sako, ‘Tipona sa atubang ko an gabos na tawo. Boot kong dangogon ninda an sakuyang itataram, tanganing makanood sindang matakot sako sa bilog nindang pagkabuhay, asin tanganing itukdo man ninda an siring sa saindang mga aki.’

Deuteronomio 4:2

Dai nindo pagdagdagan o pag-inaan an mga ipinagboot ko saindo. Kuyogon nindo an mga pagboot nin Kagurangnan na saindong Dios na itinao ko saindo.

Deuteronomio 6:2

Sa bilog nindong pagkabuhay, kamo sagkod an saindong kapagarakian dapat na matakot sa Kagurangnan na saindong Dios, asin magkuyog kan gabos niyang togon na itinatao ko saindo, tanganing maghalawig an saindong buhay.

1 Pedro 2:17

Galangan nindo an gabos na tawo; kamotan nindo an mga kapwa paratubod ki Cristo. Matakot kamo sa Dios, saka galangan nindo si Cesar.

Kapahayagan 19:5

Dangan may tingog na nagtaram hale sa trono, “Omawon nindo an satong Dios, kamo gabos na sorogoon niya asin kamo na mga may pagkatakot saiya, dakula o sadit!”

1 Samuel 12:24

Matakot kamo sa Kagurangnan asin maimbod na paglingkodan nindo siya sa bilog nindong puso. Giromdoma nindo an darakulang mga bagay na ginibo niya para saindo.