Parahulit 12:11 - Marahay na Bareta Biblia

¹¹ An mga kasabihan nin mga madonong kabaing sa mga mapanas na sugkod na ginagamit kan mga pastor sa pag-alaw kan karnero, asin an mga tiniripon na talinhaga magdadanay arog sa mga pako na nakatadom nin marahay. Ini gabos itinao nin Dios, an iyo-iyong Pastor nyato gabos.

Parahulit 12:11 ပူးပေါင်းရင်းမြစ်များ

Genesis 49:24

Alagad nagin masarig an saiyang pana; Pinakosog an saiyang braso Kan kapangyarihan kan Makakamhan na Dios ni Jacob, Kan Pastor, an Gapo nin Israel.

Esdras 9:8

Alagad ngunyan, O Kagurangnan, na samuyang Dios, sa kadikit na panahon naherak ka asin tinugotan mong makadulag sa kaoripnan an nagkapira samo asin tinugotan mong mag-erok na ligtas sa banal na lugar na ini. Pinadulag mo kami sa kaoripnan asin tinawan mo nin bagong buhay.

Salmo 23:1

An Kagurangnan iyo an sakong pastor; daing ano man na magkukulang sako.

Salmo 80:1

Dangoga kami, O Pastor nin Israel; himatea kami, ika na pamayo kan saimong mga karnero. Ika na nakatukaw sa trono sa ibabaw kan mga kerubin,

Mga Talinhaga 1:6

tanganing masabotan ninda an mga natatagong kahulogan kan mga talinhaga asin mga problemang ipinapahayag kan madodonong.

Mga Talinhaga 10:21

An mga tataramon kan matanos papakinabangan nin dakul na tawo, alagad pwedeng magadan an lolong huli kan saiyang kapatalan.

Mga Talinhaga 22:17

Paghinanyog asin tutukdoan taka kan mga tataramon kan mga madonong. Adalan mo an saindang mga katukdoan,

Parahulit 10:12

An tataramon nin sarong madonong na tawo nagdadara saiya nin kaomawan; alagad an lolong nararaot kan sadiri niyang mga tataramon.

Parahulit 7:5

Mas marahay para sa sarong tawo na sagweon siya nin sarong madonong ki sa omawon siya nin mga lolong.

Isaias 22:23

Papakarhayon ko an kamugtakan niya siring sa sarong pako sa tamang lugar asin siya an gigikanan kan dangog para sa saiyang bilog na pamilya.

Isaias 40:11

Aatamanon niya an saiyang mga hayop siring sa sarong pastor; titiponon niya an mga kordero asin kokogoson niya sinda; luway-luway niyang pangengenotan an mga karnerong may ogbon.

Jeremias 23:29

Arog sa kalayo an sakong mensahe saka arog sa martilyo na minaronot nin gapo.

Ezekiel 34:23

Tatawan ko sinda nin sarong hade na arog kan sorogoon kong si David, tanganing iyo sana an magpastor asin mag-ataman sainda.

Mateo 3:7

Kan mahiling ni Juan na dakul na Fariseo asin Saduceo an nag-abot tanganing magpabunyag, sinabihan niya sinda, “Mga rimoranon! Siisay an nagsabi saindo na makakadulag kamo sa maabot na padusa nin Dios?

Juan 10:14

Ako an marahay na pastor. Midbid ako kan Ama asin midbid ko an Ama; siring man, midbid ko an sakong mga karnero asin midbid ninda ako. Idinudusay ko an sakong buhay para sa mga karnero.

Juan 3:10

Nagsimbag si Jesus, “Saro kang bantog na maestro sa Israel. Ano ta dai mo ini nasasabotan?

Mga Gibo 2:37

Kan madangog ini kan mga tawo, napurisaw sinda nin marahay, kaya hinapot ninda si Pedro saka an ibang mga apostol, “Mga tugang, ano an dapat ming gibohon?”

2 Corinto 10:4

An mga armas na ginagamit mi sa pakilaban bakong mga armas kan kinaban, kundi mga mapangyaring armas nin Dios, na ginagamit mi sa pagrumpag nin mga bantayan.

Hebreyo 13:20

An Dios iyo an nagbuhay liwat ki Jesus na satong Kagurangnan, an Dakulang Pastor kan mga karnero, na an dugo iyo an tanda kan daing kataposan na tipan.

Hebreyo 4:12

An tataramon nin Dios buhay saka mapangyari, mas matarom ki kan arin man na espada na doble an tarom. Minalagbas iyan sa sugponan kan kalag saka espiritu, sa sugponan kan ngalongaloan saka hutok nin tolang. Naaaraman kaiyan an kaisipan asin kamawotan nin tawo.

1 Pedro 5:4

Pag-abot kan Poon na Pastor, maako kamo kan magayon na korona na dai naglulubad.