Parahulit 12:1 - Marahay na Bareta Biblia

¹ Kaya giromdoma nindo an saindong Kaglalang mantang hoben pa kamo, bago umabot an mga maraot na aldaw saka mga taon na masabi kamo, “Dai na ako naoogma sa buhay.”

Parahulit 12:1 ပူးပေါင်းရင်းမြစ်များ

Genesis 39:2

Inibahan nin Kagurangnan si Jose kaya nag-uswag siya. Nag-erok si Jose sa harong kan Egipcio niyang kagurangnan,

Genesis 39:23

Kaya daing paghadit an bantay sa ano man na ipinapamahala niya ki Jose, huli ta kaibahan ni Jose an Kagurangnan asin pinauswag ini sa gabos na trabaho.

2 Samuel 19:35

Otsentang taon na ako, asin mayo na akong nawiwilihan. Dai ko na nananamitan an sakong kinakakan o iniinom; dai ko na nadadangog an mga tingog nin mga paraawit. Magigin pagabat sana ako sa mahal na Hade.

2 Samuel 19:36

Dai ako maninigong mag-ako kan siring na balos. Kaya maiba sana ako saimo sagkod sa ibong kan Jordan.

1 Mga Hade 14:13

Pagmomondoan siya kan bilog na Israel asin ilulubong ninda siya. Sa pamilya ni Jeroboam, siya sana an ilulubong nin maninigo, huli ta siya sana an nawiwilihan nin Kagurangnan, an Dios nin Israel.

1 Mga Hade 18:12

Paano kun pakahale ko, darahon ka tolos kan espiritu nin Kagurangnan sa sarong lugar na dai ko aram? Dangan kun sabihan ko si Ahab na uya ka saka dai ka makua, gagadanon niya ako maski igwa ako nin pagkatakot sa Kagurangnan poon kan ako aki pa.

Nehemias 4:14

Nahiling kong nahandal an mga tawo, kaya sinabihan ko sinda asin an saindang mga lider saka mga opisyal, “Dai kamo matakot sainda. Giromdoma nindo an Kagurangnan, dakula asin makangirhat siya. Ipaglaban nindo an saindong mga tugang, an saindong mga kaakian, an saindong mga agom saka mga harong.”

An Libro ni Job 30:2

Ano an sakong pakinabang sa saindang kosog, sinda na mga maluya na ngunyan?

Salmo 119:55

Sa banggi, naroromdoman ko an saimong ngaran, Kagurangnan, asin inootob ko an saimong katogonan.

Salmo 34:11

Madya kamo, mga aki, dangoga ako, asin tutukdoan ko kamo kan pagkatakot sa Kagurangnan.

Salmo 63:6

Mantang naghihigda ako, nagigiromdoman taka; bilog na banggi ika sana an sakong iniisip,

Salmo 90:10

Setentang taon an lawig kan samuyang buhay, o gayod otsenta kun kami makosog. Alagad mga taon na nagdadara nin kasakitan asin kamondoan; gabos minaagi sana, dangan napapara an samuyang buhay.

Mga Talinhaga 22:6

Tukdoan mo an aki kun paano siya mamuhay, asin dai niya iyan malilingawan sa bilog niyang buhay.

Mga Talinhaga 8:17

Namomotan ko an namomoot sako; an naghahanap sako nakakanumpong sako.

Parahulit 11:10

Lingawan nindo an anoman na kahandalan nin isip o kulog nin hawak, huli ta dai man mahahaloy an saindong pagkanihoben.

Parahulit 11:2

Magnegosyo ka nin manlaen-laen saka sa dakul na lugar, huli ta dai mo aram kun anong maraot na palad an maabot saimo sa kinaban na ini.

Parahulit 11:8

Magpasalamat ka para sa lambang taon nin saimong pagkabuhay. Maski gurano kahalawig an saimong buhay, mas halawig an panahon nin saimong pagkagadan. An gabos pang maabot mayo nin halaga.

Isaias 26:8

Sinusunod mi an saimong kabotan asin naglalaom kami saimo; ika an bilog ming kamawotan.

Mga Panambitan 3:27

asin marahay an makanood kaining pakatios mantang hoben pa kita.

Daniel 1:17

Tinawan nin Dios an apat na hoben na lalaki nin pakaaram asin kabatiran sa literatura saka sa pilosopiya. Laen pa kaini, tinawan pa nin Dios si Daniel nin kadonongan sa pagpaliwanag kan mga bisyon saka mga pangatorogan.

Oseas 7:9

asin dai ninda naaaraman na an pagsarig na ini sa mga dayuhan iyo an nagpaluya sainda. Nabibilang na an saindang mga aldaw, alagad dai pa ninda iyan aram.

Lukas 1:15

huli ta siya magigin dakulang tawo sa atubang nin Kagurangnan. Dai siya mainom nin arak o anoman na maisog na inomon. Mapapano siya kan Espiritu Santo maski nasa tulak pa sana siya kan saiyang ina.

Lukas 18:16

Alagad inapod ni Jesus an mga aki saka nagsabi, “Pabayae nindong magdolok sako an mga aki! Dai nindo sinda pag-olangon huli ta sa mga arog sainda an Kahadean nin Dios.

Efeso 6:4

Mga magurang, dai nindo pagpaanggoton an saindong mga aki, kundi padakulaon nindo sa Cristianong disiplina asin katukdoan.

Deuteronomio 8:18

Giromdoma nindo na an Kagurangnan na saindong Dios iyo an nagtao saindo nin kakayahan tanganing magyaman kamo. Ginibo niya ini huli ta sagkod ngunyan maimbod siya sa tipan na sinumpaan niya sa saindong mga ginikanan.

2 Timoteo 3:15

Poon kan aki ka pa, tatao ka na kan mga Banal na Kasuratan, na magtutukdo saimo nin kadonongan para sa kaligtasan huli sa pagtubod ki Cristo Jesus.

1 Samuel 1:28

Kaya idinodolot ko siya sa Kagurangnan; mantang buhay siya, sadiri siya nin Kagurangnan.” Dangan nagsamba sinda duman sa Kagurangnan.

1 Samuel 16:7

Alagad tinaraman siya nin Kagurangnan, “Dai ka maghiling sa saiyang pagkanigwapo o pagkanihalangkaw, huli ta hinaboan ko siya. Dai ako naghuhukom siring sa paghukom nin tawo. Hinihiling nin tawo an panluwas na porma, alagad an hinihiling ko iyo an puso.”

1 Samuel 2:18

Padagos man na naglilingkod kaidto si Samuel sa Kagurangnan, sulot an sarong linong efod.

1 Samuel 2:26

Padagos na nagdakula si Samuel na nawiwilihan nin Kagurangnan asin kan mga tawo.