Parahulit 11:8 - Marahay na Bareta Biblia

⁸ Magpasalamat ka para sa lambang taon nin saimong pagkabuhay. Maski gurano kahalawig an saimong buhay, mas halawig an panahon nin saimong pagkagadan. An gabos pang maabot mayo nin halaga.

Parahulit 11:8 ပူးပေါင်းရင်းမြစ်များ

An Libro ni Job 10:21

bago ako magduman saen mayo na nin makakabalik, sa daga na mamondo saka madiklom,

An Libro ni Job 10:22

daga nin kadikloman, mga anino, saka karibongan, na an ilaw iyo an madikloman.”

An Libro ni Job 14:10

Alagad nagagadan an tawo, asin iyan na an saiyang kataposan; nagagadan siya, dangan haen na siya?

An Libro ni Job 14:12

an tawo nagagadan asin dai na minabangon giraray. Dai na nanggad sinda mabangon mantang an langit nagdadanay; dai na mapupukaw sa saindang pagkatorog.

An Libro ni Job 15:23

asin an mga bwitre naghahalat tanganing kakanon an saiyang bangkay. Aram niyang madiklom an maabot niyang mga aldaw;

An Libro ni Job 18:18

Aalawon siya paluwas sa daga kan mga nabubuhay, aalawon hale sa liwanag pasiring sa kadikloman.

Salmo 49:20

An tawo dai pwedeng maglaom sa saiyang kadakulaan; arog kan mga hayop, siya magagadan man.

Parahulit 11:2

Magnegosyo ka nin manlaen-laen saka sa dakul na lugar, huli ta dai mo aram kun anong maraot na palad an maabot saimo sa kinaban na ini.

Parahulit 2:15

Dangan nagsaboot ako, “An nangyari sa lolong mangyayari man sako, kaya ano an nakua ko sa pagigin madonong?” Sinimbag ko an sadiri ko na ini mayo man nin halaga.

Parahulit 2:17

Kaya ikinaongis ko an buhay, huli ta gabos kasakitan an dinara sako kaini. An gabos mayo nin halaga, asin garo sanang paglamag sa doros.

Parahulit 2:19

asin siisay an makakasabi kun siya magigin madonong o lolong? Alagad masasadirihan niya an gabos kong pinagpagalan asin ginamitan nin kadonongan sa kinaban. Ini mayo man nin halaga.

Parahulit 2:26

An tawo na nakakapawili sa Dios tinatawan niya nin kadonongan, pakasabot asin kaogmahan; alagad an parakasala tinatawan niya kan trabaho nin pagtipon asin pagtambak nin kayamanan, tangani sanang itao iyan sa mga nawiwilihan nin Dios. Ini mayo nin halaga, asin garo sanang paglamag sa doros.

Parahulit 4:16

Maski dai mabilang an mga tawong nasasakopan kan hade, alagad pakagadan niya, dai siya pasasalamatan kan mga masurunod saiya. Ini mayo nin halaga asin garo man sanang paglamag sa doros.

Parahulit 4:8

An sarong tawo na nabubuhay na solo-solo, mayo nin aki o tugang, alagad mayong kataposan an pagtrabaho niya, asin an saiyang mata nakukulangan pa kan saiyang kayamanan. Para kiisay an saiyang pagpagal saka pagsayuma niya nin kaogmahan sa sadiri? Ini man mayo nin halaga asin sarong mamondong kamugtakan.

Parahulit 6:11

Kun orog na haloy an diskutiran, orog na mayo iyan nin halaga, asin mayo nin pakinabang para sa tawo.

Parahulit 6:6

orog pa ki sa tawo na dai man lamang nakakamate kan kaogmahan nin buhay, maski mabuhay pa siya nin duwang ribong taon. Huli ta sindang duwa maduman sa pareho man sanang lugar.

Parahulit 7:14

Mag-ogma ka sa mga aldaw nin kauswagan, asin sa mga aldaw nin kasakitan, giromdoma na an Dios nagpapadara nin kaogmahan siring na nagpapadara siya nin kasakitan. Dai mo nanggad maaraman kun ano an sunod na maabot saimo.

Parahulit 8:12

An sarong parakasala pwedeng gumibo nin ginatos na karatan, asin padagos pang mabuhay. Aram ko kun ano an saindang sinasabi: “Kun kuyogon nindo an Dios, an gabos magigin marahay,

Parahulit 8:15

Kaya napatotoohan ko sa sadiri ko na an tawo dapat na maghanap nin kaogmahan, huli ta an marahay saiya sa buhay na ini iyo an pagkakan saka pag-inom asin pagpaogma sa sadiri. Ini magigibo niya mantang nagpapagal siya sa buhay na itinao saiya nin Dios sa kinaban na ini.

Parahulit 9:7

Ipadagos mo an saimong pagkakan asin mag-ogma ka; inoma an saimong arak asin maggayagaya ka. Oyon kaiyan an Dios.

Jeremias 13:16

Omawon nindo an Kagurangnan na saindong Dios, bago niya darahon an kadikloman, asin madapa kamo sa kabubuldan; bago niya gibohon na mahibog na kadikloman an liwanag na saindong pinaglalaoman.

Joel 2:2

Sarong aldaw iyan nin kadikloman asin kamondoan, sarong mapongaw na aldaw saka mahibog na kadikloman! Nagdadangadang an dakulang hukbo nin mga doron arog sa kadikloman na naglalakop sa ibabaw nin kabukidan. Dai pa nin nangyaring arog kaiyan, asin ngapit, dai na mangyayari iyan.

Mateo 22:13

Dangan sinabihan kan hade an mga katabang, ‘Gaposon nindo an saiyang kamot asin bitis dangan iapon siya sa kadikloman sa luwas. Duman magtatangis siya asin magraragot an saiyang mga ngipon.’”

Juan 12:35

Nagsimbag si Jesus, “Dikit na panahon na sanang makakaiba nindo an ilaw. Maglakaw na kamo mantang kaiba pa nindo an ilaw, tanganing dai kamo maabotan kan diklom. Dai aram kan naglalakaw sa diklom kun saen siya maduman.

Deuteronomio 32:29

Kun sinda madonong, masasabotan ninda kun tano ta sinda nadaog.

Judas 1:18

Sinabihan ninda kamo, “Sa huring mga aldaw, matunga an mga tawong mag-oolog-olog saindo; mga tawong nagsusunod kan saindang maraot na mga kamawotan.”