Parahulit 11:5 - Marahay na Bareta Biblia

⁵ Dai mo masasabotan an ginigibo nin Dios na naglalang kan gabos, siring na dai mo masasabotan an pagpoon nin buhay kan sarong aki sa tulak nin sarong babae.

Parahulit 11:5 ပူးပေါင်းရင်းမြစ်များ

An Libro ni Job 37:23

Dakula nin marahay an kapangyarihan nin Dios, kaya dai kita nakakadolok saiya; matanos siya asin maimbod sa pagtratar kan katawohan.

An Libro ni Job 38:4

Haen ka kan ibugtak ko an pundasyon kan kinaban? Kun talagang may naaaraman ka, tarami ako.

An Libro ni Job 5:9

Siya an naggigibo nin darakula saka dai malaladop na mga bagay; makangangalas na mga bagay na dai mabibilang:

Salmo 104:24

Kagurangnan, kadakul an saimong mga gibo! Sa kadonongan, iyan gabos ginibo mo! An daga pano kan saimong mga linalang.

Salmo 40:5

Dakul na ngangalasan an ginibo mo para samo, O Kagurangnan, na samuyang Dios; mayo nin makakaarog saimo! Magayon an mga plano mo para samo. Kun ako mangahas na ipahayag iyan gabos, sa kadaklan dai ko mauubos!

Salmo 92:5

Kadakula kan saimong mga gibo, Kagurangnan! Hararom na gayo an saimong mga kaisipan!

Parahulit 1:13

Hiningowa kong siyasaton asin adalan an gabos na bagay na ginigibo sa kinaban na ini. Mamondong palad an itinao nin Dios sa sato.

Parahulit 1:6

An doros minahuyop pasiring sa habagat, asin minalibot pasiring sa amihan; pabalik-balik sana an doros.

Parahulit 11:4

Kun mahalat ka pa kan doros asin kan tamang panahon, mayo kang ikakatanom saka mayo kang aanihon.

Parahulit 3:10

Aram ko na magabat na mga pasanon an itinao nin Dios sa sato.

Parahulit 3:11

An gabos na bagay tinawan nin talaan na panahon. Itinao niya sato an kamawotan para sa maabot na panahon, alagad dai niya kita tinatawan kan bilog na pakasabot kan saiyang ginibo poon sa kapinonan sagkod sa kataposan.

Parahulit 7:24

Siisay an makakaladop kan kahulogan nin buhay? Hararom iyan nin marahay, asin dipisil masabotan.

Parahulit 8:17

dai nanggad niya masasabotan an ginigibo nin Dios. Maski gurano niyang paghingowa, dai nanggad niya masasabotan. An madonong na tawo pwedeng magsabing nakakasabot siya, alagad dai nanggad!

Isaias 40:28

Dai nindo aram? Dai nindo nadangog? An Kagurangnan iyo an mayong kataposan na Dios; linalang niya an bilog na kinaban. Dai siya napapagal o nanluluya. Mayo nin siisay man na nakakasabot kan saiyang kaisipan.

Juan 3:8

An doros minahuyop kun saen an boot kaiyan; nadadangog mo an sagiwsiw kaiyan, alagad dai mo aram kun saen iyan hale o saen maduman. Arog kaiyan an nangyayari sa gabos na namumundag sa Espiritu.”

Roma 11:33

O an kararoman kan mga kayamanan nin kadonongan asin kaaraman nin Dios! Dai matugkad an saiyang mga kaisipan asin dai masabotan an saiyang mga palakaw!