Parahulit 11:3 - Marahay na Bareta Biblia

³ Kun an langit madampog, totoong mauran; kun matumba an sarong kahoy maski saen na direksyon, duman iyan mahigda sa hinugpaan.

Parahulit 11:3 ပူးပေါင်းရင်းမြစ်များ

1 Mga Hade 18:45

Dai nahaloy nagdiklom an langit huli sa panganoron; naghuyop an doros asin naghulog an makosog na uran. Naglunad si Ahab sa saiyang karwahe asin nagbalik sa Jezreel.

Parahulit 11:2

Magnegosyo ka nin manlaen-laen saka sa dakul na lugar, huli ta dai mo aram kun anong maraot na palad an maabot saimo sa kinaban na ini.

Parahulit 11:4

Kun mahalat ka pa kan doros asin kan tamang panahon, mayo kang ikakatanom saka mayo kang aanihon.

Mateo 3:10

Dawa ngunyan, andam na an patok sa pagputol kan gamot kan mga kahoy; an lambang kahoy na dai nagtatao nin marahay na bunga papalodon saka isusugba sa kalayo.

Lukas 13:7

Kaya sinabihan niya an namamahala kan saiyang ubasan, ‘Tolong taon na akong nagpaparabalik-balik sa paghanap nin bunga sa kahoy na ini, alagad mayo akong nakukua. Paloda iyan! Sayang kan dagang natatanoman kaiyan!’

1 Juan 3:17

Kun mayaman an sarong tawo, dangan nahihiling niya an saiyang tugang na nangangaipo, alagad dai niya tinatabangan, paanong makapagsabi siya na may pagkamoot siya sa Dios?