Parahulit 11:2 - Marahay na Bareta Biblia

² Magnegosyo ka nin manlaen-laen saka sa dakul na lugar, huli ta dai mo aram kun anong maraot na palad an maabot saimo sa kinaban na ini.

Parahulit 11:2 ပူးပေါင်းရင်းမြစ်များ

Nehemias 8:10

Magpuli na kamo asin magbangkete. Hirasan nindo nin kakanon saka inomon an mga mayo kaiyan. An aldaw na ini banal para sa satong Kagurangnan, kaya dai kamo magmondo. An kaogmahan na itinao saindo nin Kagurangnan magigin kakosogan nindo.”

Esther 9:19

Ini an dahelan kun tadaw ta pinagseselebrar kan mga Judio na nag-eerok sa saradit na mga banwa an ikakatorseng aldaw kan bulan nin Adar bilang sarong aldaw nin kaogmahan asin karakanan, aldaw nin pagtao nin regalo sa lambang saro.

Esther 9:22

Ini an mga aldaw na nagkaigwa nin kapahingaloan an mga Judio sa saindang mga kaiwal; ini an bulan na naribayan nin kaogmahan an saindang kasakitan saka nin pagselebrar an saindang pagmondo. Sinuratan sinda ni Mardokeo na selebraron an mga aldaw na ini sa paagi nin pagkarakan, pag-orogma, dangan pagtao nin mga kakanon sa lambang saro asin sa mga dukha.

An Libro ni Job 5:19

Sa gabos na panahon ililigtas ka niya sa kapahamakan;

Salmo 112:9

Maugayon siya sa mga nangangaipo; dai nanggad nasusudya an saiyang pagkamaboot; siya magigin mapangyari asin gagalangan.

Mga Talinhaga 19:17

Kun magtabang ka sa dukha, garo ka nagpapautang sa Kagurangnan, asin an Kagurangnan an mabayad saimo.

Mga Talinhaga 6:16

Pitong bagay an ikinakaongis asin ikinakauyam nin Kagurangnan: An kapaabaw-abawan, an putikon na dila, an mga paragadan nin mga tawong mayo nin sala, an puso na nagmumukna nin mga maraot na plano, an mga bitis na naghihidali sa paggibo nin karatan, an saksi na nagpuputik, asin an tawong dahelan nin pag-iriwal kan mga magkaratood.

Parahulit 11:3

Kun an langit madampog, totoong mauran; kun matumba an sarong kahoy maski saen na direksyon, duman iyan mahigda sa hinugpaan.

Parahulit 11:8

Magpasalamat ka para sa lambang taon nin saimong pagkabuhay. Maski gurano kahalawig an saimong buhay, mas halawig an panahon nin saimong pagkagadan. An gabos pang maabot mayo nin halaga.

Parahulit 12:1

Kaya giromdoma nindo an saindong Kaglalang mantang hoben pa kamo, bago umabot an mga maraot na aldaw saka mga taon na masabi kamo, “Dai na ako naoogma sa buhay.”

Daniel 4:27

Kaya, Mahal na Hade, sunoda an sakong hatol. Ontoka an saimong pagkakasala, giboha an matanos, asin magin maherakon ka sa dukha. Dangan magpapadagos an saimong kauswagan.”

Mikas 5:5

asin magdadara siya nin katoninongan. Kun salakayon kita kan mga taga Asiria dangan makalagbas sinda sa satong mga depensa, ipapadara ta an satong pinakamakosog na mga lider tanganing labanan sinda.

Mateo 18:22

“Bakong pitong beses,” an simbag ni Jesus, “kundi pitong setenta na beses.

Mateo 5:42

Tawan mo an naghahagad saimo, asin dai mo pagsayumahan an boot mag-utang saimo.

Lukas 17:4

Maski pa pitong beses siyang magkasala saimo sa laog nin sarong aldaw asin pitong beses man siyang magsabi, ‘Nagsosolsol na ako,’ dapat mo siyang patawadon.”

Galacia 6:1

Mga tugang, kun igwa kamong madakop na naggigibo nin anoman na sala, kamo na nag-ako kan Espiritu nin Dios an dapat na magtabang saiya na magin matanos giraray. Alagad gibohon nindo iyan sa mahuyong paagi. Kamo man dapat maglikay ta tibaad kamo man an masogotan.

Efeso 5:16

Pakarahayon nindo an paggamit kan panahon, huli ta an mga aldaw ngunyan maraot.

Hebreyo 13:3

Giromdomon nindo an mga bilanggo, na garo baga kaiba kamo ninda sa bilanggoan. Giromdomon nindo an mga pinapasakitan, na garo baga kamo man sana an pinapasakitan.

1 Samuel 25:8

Hapoton mo sinda asin sasabihan ka ninda. Kaya itugot logod na mawilihan mo an sakong mga hoben na lalaki huli ta nag-abot sinda sa aldaw nin pyesta. Nakikimaherak akong itao mo an saimong makakaya sa samo na saimong mga sorogoon asin sa saimong katood na si David.”